Një embrion sintetik, i bërë pa spermë ose vezë, mund të çojë në trajtime të infertilitetit

Shkencëtarët kanë krijuar një embrion miu dhe një ditë mund të ndihmojnë cciftet që shpresojnë të mbeten shtatzënë, sipas një studimi të ri.

Pas 10 vitesh kërkimi, shkencëtarët krijuan një embrion sintetik miu që filloi të formonte organe pa spermë ose vezë, sipas studimit të botuar të enjten në revistën Nature. Gjithçka që u desh ishin qelizat staminale.

KETU LAJMET MINUTE PAS MINUTE

Qelizat staminale janë qeliza të paspecializuara që mund të manipulohen për t'u bërë qeliza të pjekura me funksione të veçanta.

"Modeli ynë i embrionit të miut jo vetëm që ka një tru, por edhe një zemër që rreh, e të gjithë komponentët që përbëjnë trupin", tha autorja kryesore e studimit Magdalena Zernicka-Goetz, profesore e zhvillimit të gjitarëve dhe biologjisë së qelizave burimore në Universitet të Kembrixhit në Mbretërinë e Bashkuar.

"Është thjesht e pabesueshme që kemi arritur deri këtu. Kjo ka qenë ëndrra e komunitetit tonë për vite, dhe një fokus kryesor i punës sonë për një dekadë, dhe më në fund ne e kemi bërë atë," tha ajo.

Por si mund ti ndihmojë ky embrion kundër infertilitetit. Javët e para pas fekondimit përbëhen nga këto tre qeliza burimore të ndryshme që komunikojnë me njëra-tjetrën kimikisht dhe mekanikisht në mënyrë që embrioni të rritet siç duhet, tha studimi.

"Kaq shumë shtatzëni dështojnë në këtë kohë, përpara se shumica e grave (të kuptojnë) se janë shtatzënë," tha Zernicka-Goetz, e cila është gjithashtu profesore e biologjisë dhe inxhinierisë biologjike në Caltech.

"Kjo periudhë është baza për çdo gjë tjetër që pason në shtatzëni. Nëse shkon keq, shtatzënia do të dështojë."