NAFTA BIE PAS ARMËPUSHIMIT! Tregjet presin qartësi mbi paqen mes Iranit dhe Izraelit

Çmimet e naftës kanë rënë në tregjet ndërkombëtare pasi Irani dhe Izraeli njoftuan ndërprerjen e sulmeve ndaj njëri-tjetrit. Megjithatë, investitorët mbeten të kujdesshëm për shkak të pasigurisë mbi qëndrueshmërinë e armëpushimit dhe rrezikut të një përshkallëzimi të ri në Lindjen e Mesme. Vëmendja mbetet e përqendruar te Ngushtica e Hormuzit dhe negociatat mes Shteteve të Bashkuara dhe Iranit.

Tregjet e energjisë reaguan me rënie të çmimeve të naftës pasi Irani dhe Izraeli deklaruan se kanë ndaluar sulmet ndaj njëri-tjetrit, duke ulur përkohësisht frikën për një përshkallëzim të mëtejshëm të konfliktit në Lindjen e Mesme.

Nafta e papërpunuar Brent zbriti nën 93 dollarë për fuçi. Rënia fshiu pjesën më të madhe të fitimeve të regjistruara një ditë më parë, kur tregjet reaguan ndaj sulmeve të reja mes palëve.

Ndërsa edhe Çmimet e arit ishin kryesisht të qëndrueshme të martën, ndërsa tregtarët vlerësuan armëpushimoin e brishtë midis Izraelit dhe Iranit, me shqetësimet mbi inflacionin dhe rritjen e normave të interesit në fokus.

Ndwrsa analistet thone se ari po tregtohet në nivel të ulët, me tregtarët skeptikë në lidhje me qëndrueshmërinë e armëpushimit Iran-Izrael dhe duke mbetur të kujdesshëm përpara të dhënave të rëndësishme të inflacionit në SHBA këtë javë

Analistët thonë se investitorët po tregojnë kujdes, pasi nuk janë të bindur se armëpushimi do të zgjasë. Edhe pse ndalimi i sulmeve ka qetësuar përkohësisht tregjet, Irani dhe Izraeli kanë paralajmëruar se do të përgjigjen nëse provokohen sërish.

Presidenti amerikan Donald Trump ka bërë thirrje për ndalimin e menjëhershëm të luftimeve, ndërsa administrata amerikane po përpiqet të çojë përpara negociatat me Teheranin për një marrëveshje më të gjerë rajonale.

Për momentin, tregjet po presin sinjale më të qarta nëse qetësia aktuale do të shndërrohet në një zgjidhje afatgjatë apo do të mbetet vetëm një pauzë e përkohshme në konflikt.