Kritiku i Putinit dënohet me 8 vjet burg për “lajme të rreme” mbi luftën në Rusi

Një nga figurat më të shquara të opozitës ruse, Ilya Yashin, është dënuar me tetë vjet e gjysmë burg për përhapjen e "lajmeve të rreme" për ushtrinë e vendit.

Një nga kritikët e paktë të Kremlinit që qëndroi në Rusi pasi pushtoi Ukrainën, Yashin vazhdoi të fliste kundër luftës.

Ai u arrestua pasi dënoi krimet e dyshuara ruse të luftës në qytetin ukrainas Bucha. Menjëherë pas pushtimit, Rusia e bëri krim raportimin e "informacionit të rremë".

Disa rusë që atëherë janë dënuar me burg, por dënimi i Yashin është më i gjati deri më tani.

Ai e mohoi akuzën, por gjyqtarja Oksana Goryunova tha se kishte shpërndarë me vetëdije informacion të rremë për forcat e armatosura ruse.

Prillin e kaluar, ai kishte folur në kanalin e tij në YouTube për vrasjen e qindra civilëve ukrainas nga forcat pushtuese ruse në Bucha, jashtë kryeqytetit, Kiev.

Ai i tha gjykatës se kishte dhënë versionin zyrtar rus dhe ukrainas të historisë. Gjatë videos, ai ndau imazhe dhe histori nga vendi i ngjarjes nga BBC dhe të tjerët.

Ministria ruse e mbrojtjes i ka dënuar akuzat si një "provokim" të sajuar dhe imazhet e civilëve të vdekur si "të inskenuara".

Prokurorët kishin kërkuar një dënim me nëntë vjet burg. Avokatja e tij Maria Eismont tha se ata do të apelonin kundër vendimit.