Ishulli gërmadhë në Itali, vajza i telefon të atit për ta shpëtuar. Nxirren nga balta 5 trupa

Ishulli gërmadhë në Itali, vajza i telefon të atit për

Njerëzit që humbën të afërmit e tyre nga rrëshqitjet e tokës në ishullin italian Ischia tregojnë momente tmerri.

Babai i një vajze rreth të 30-tave tregoi se si ajo i telefonoi për ndihmë kur toka filloi të rrëshqiste në kodrën sipër saj, por ai nuk ishte në gjendje ta shpëtonte. Ekipet e shpëtimit gjetën 5 trupa, ndërsa nëntë persona janë ende të zhdukur në ishullin pranë Napolit.

Përroi i baltës dhe mbeturinave shkatërroi shtëpitë dhe përplasi makinat në det. Stuhitë e shiut pasuan në të gjithë Italinë jugore, por tani që moti është qetësuar, shkalla e shkatërrimit po bëhet e qartë.

Më shumë se 100 zjarrfikës, si dhe zhytës, janë vendosur në Ischia në përpjekje për të rehabilituar vendin.

Automjetet e shkatërruara janë grumbulluar njëra mbi tjetrën, të shtypura nga forca e rrëshqitjes së baltës, ndërsa pamja apokaliptike po mbetet në memorien e atyre që kanë parë peizazhin e këtij ishulli popullor turistik.  

Ashtu si Capri aty pranë, Ischia,  është një destinacion pushimi për të huajt dhe vendasit. 

Një çështje kyçe në ishull, megjithatë, mbetet fakti se rreth gjysma e shtëpive janë ndërtuar ilegalisht dhe kështu nuk mund t'i rezistojnë forcës së rrëshqitjeve të dheut dhe tërmeteve.

Qeveria ka miratuar një gjendje të jashtëzakonshme, duke caktuar një shumë fillestare prej 2 milion €  për të ndihmuar në rindërtimin e shtëpive. 

Banorëve u kërkohet të qëndrojnë në shtëpi për të shmangur pengimin e shërbimeve të urgjencës në përpjekjet e tyre.

EMISIONET