Sulmi kibernetik, kompania amerikane pagoi 11 milion dollarë shpërblim për hakerat

Sulmi kibernetik, kompania amerikane pagoi 11 milion dollarë shpërblim

Kompania JBS Foods, furnizuesja më e madhe e mishit në botë u detyrua të paguante një shpërblim prej 11 milion dollarësh në përgjigje të sulmit kibernetik, tha kompania në një deklaratë të mërkurën në mbrëmje.

Shpërblimi u pagua pasi shumica e objekteve të kompanisë ishin kthyer në internet, tha JBS.

"Ky ishte një vendim shumë i vështirë për t'u marrë për kompaninë tonë dhe për mua personalisht," tha Andre Nogueira, CEO i JBS USA, në deklaratë. 

"Megjithatë, ne menduam se ky vendim duhej të merrej për të parandaluar çdo rrezik të mundshëm për klientët tanë."

Sulmi kibernetik preku serverat që mbështesin sistemet e IT të JBS në Amerikën e Veriut dhe Australi. Qeveria amerikane ia ka atribuar sulmin ransomëare REvil, një bandë kriminale që besohet se është e vendosur në Rusi ose Evropën Lindore.

"Rezultatet e hetimit paraprak konfirmojnë që asnjë kompani, klient ose punonjës i të dhënave nuk u komprometua," tha JBS në deklaratën e së mërkurës.

JBS USA është pjesë e JBS Foods, një nga kompanitë më të mëdha ushqimore në botë. 

Ajo operon në 15 vende dhe ka klientë në rreth 100 vende. Disa nga markat e kësaj kompanie janë Pilgrim's, Great Southern dhe Aberdeen Black.

EMISIONET