BE në ndihmë të zonave të përmbytura në Itali, sot Von Der Leyen do të vizitojë Emilia Romagna

Nga Alba Kepi Përditësimi i fundit 25 Maj 2023, 10:40

BE në ndihmë të zonave të përmbytura në Itali, sot

"Bashkimi Europian do të mbështes Italinë për të përballuar këtë fatkeqësi natyrore që goditi rajonin e Emilia Romagnas. Mekanizmi europian i Mbrojtes Civile është aktivizuar e vende të ndryshme po ndihmojnë këtë territor. Gjithashtu Qëndra e Koordinimit për Emergjencat është në kontakt të drejtpërdrejtë me autoritetet italiane", ka deklaruar për mediat italiane zëvendës Presidenti i Komisionit Europian Valdis Dombrovskis, në prag të viiztës së Presdentes Ursola Von Der Leyen e cila sot pasdite në shoqërinë e Kryeministres italiane Giorgia Meloni do të vëzhgoj gjatë një udhëtimi me helikopter të gjitha zonat e përmbytura në Emilia Romagna.

Më pas do të mbajnë një konferencë të përbashkët për shtyp në aeroportin e Bolonjës në prani të medias italiane e internacionale.

Pak orë më parë qeveria italiane lëvroi fondin prej 2 miliardë euro në ndihmë të popullsisë së goditur nga kjo fatkeqësi e planit të rimëkëmbjes ekonomike të këtij territori ku mijëra kompani e biznese janë shkatërruar nga uji. Por dëmet parashkohen të jenë mbi 7 miliardë euro e që Italia mund t'i mbuloj me Fondin Europian të solidaritetit e për të cilin duhet të bëj një kërkesë spcifike.

Në rajonin e përmbytur janë ende rreth 60 kantiere të hapura nën sundimin e ujit, shtëpi, prona, biznese të mbuluara nga fango e gjithcka që rryma e lumenjve ka sjellë me vete.

Mbi 100 tonelata mbetje priten të hiqen nga zonat e banuara e autoritetet shëndetësore lokale rekomandojnë një kujdes të lartë higjeno sanitar si në përdorimin e ujit për nevoja jetike ashtu dhe në pajisjen me doreza e cizme profesionale për vullnetarët e banorët që kontribuojnë në operacionet e pastrimit të territorit.

Ministri italian për Mbrojtjen Civile, Nello Musumeci, gjatë një interpelance në Parlament deklaroi se qeveria ka parashikuar deri në 900 euro në muaj për familje për banorët e zonave të kësaj fatkeqësie natyrore, ndalimin e pagesës së taksave, të kredive si dhe mbulimin e shpenzimeve nga shteti për raste varrimi.

Nga këndëvështrimi hidro gjeologjik, kjo fakteqësi natyrore u shkaktua nga reshjet e mëdha të shiut që cuan daljen nga shtrati të 23 lumenjve, mbylljne e 500 rrugëve, mbi 30 rrëshkitje dheu, evakuimin e 23 mijë personave e 15 viktima.

Brenda 4 ditëve në rajonin e Emilia Romagna ka rënë reshje sa sasia që llogaritet të bie gjatë 1 viti.