Xhafaj voton: I keqardhur për ata që bojkotuan, imazh i rëndë për vendin
Ish-ministri i Brendshëm Fatmir Xhafaj ka votuar mesditën e sotme së bashku me familjen e tij. Në një postim në Twitter, Xhafaj u shpreh se i vinte keq për ata që bojkotuan.
Ish ministri shkruan se ky është një dëm i madh për vendin dhe imazhin e tij.
"Sapo votova me familjen time! I bindur se kjo është rruga e duhur, zbatimi i ligjit! Sot një ditë e rëndësishme për Standardet demokratike, për Shtetin e së drejtës, për kushtetueshmërinë I keqardhur për ata që bojkotuan, që iu humbën përkrahësve të tyre shansin për të ushtruar lirisht të drejtat kushtetuese të votimit dhe përfaqësimit në qeverisjen vendore! Një dëm i madh vendit dhe imazhit të tij! Momenti i duhur për reflektim dhe ndryshim rruge e lidershpi,"-shkroi Xhafaj.
Xhafaj falënderoi partnerët ndërkombëtar për mbështetjen dhe inkurajimin.
Fatmir Xhafaj: "30 Qershori një ditë leksioni për demokracinë dhe ligjshmërinë zgjedhore! Një ditë reflektimi për të gjithë! Faleminderit partnerëve ndërkombëtar për mbështetjen dhe inkurajimin për të ecur në këtë rrugë!"
Sapo votova me familjen time!
I bindur se kjo është rruga e duhur - zbatimi i ligjit! Sot një ditë e rëndësishme për Standardet demokratike, për Shtetin e së drejtës, për kushtetueshmërinë!