Turshi e reçel “me ligjin”, punishtja zyrtarisht e bllokuar vijonte prodhimin në Shkodër
Këmbat për sigurinë e produkteve ushqimore kanë rënë sërish në Shkodër. Një punishte që zyrtarisht ishte e bllokuar rreth një vit më parë, është zbuluar se vijonte të prodhonte të produkteve ushqimore në kundërshtim me ligjin. Pronari 61 vjecar u shpall në kërkim.
Zyrtarisht ishte e mbyllur më datë 28 mars2018 për prodhim të produkteve ushqimore në kundërshtim me ligjin.
Në atë kohë pronari, Gëzim Bala dhe dy punonjës u vunë në pranga, ndërsa teknologu u shpall në kërkim.
Por pavarësisht vendimit të AKU, ai i ishte rikthyer veprimtarisë së kundërligjshme të prodhimit të produkteve ushqimore.
Në këtë magazinë Gëzim Bala, sipas oolicisë prodhonte salca, turshi dhe reçelera.
Siç tregojnë pamjet e publikuara nga policia, gjithçka bëhej jashtë kushteve higjeno-sanitare, duke bërë që edhe produkti që u tregtohej konsumatorëve të ishte i rrezikshëm.
Ndaj AKU, Policisë së Shkodrës dhe Prokurorisë i është dashur të rikthehen sërish në këtë ambient për ta bllokuar.
Por këtë herë pronari 61 vjeçar, Gëzim Bala, nuk u gjet aty dhe është shpallur në kërkim.
Ndaj tij janë ngritur akuzat e "Prodhim i kundërligjshëm i artikujve dhe mallrave industriale dhe ushqimore" dhe "Fshehja e të ardhurave".
Vetëm në 8 muaj janë zbuluar 880 ton produkte jashtë standardit dhe që mund të përbënin rrezik për shëndetin e konsumatorëve.
Alarmi bëhet edhe më i madh kur subjektet që i prodhojnë e tregtojnë janë pa licencë.