Qeveria zhvendoset në Durrës

Qeveria zhvendoset në Durrës

Kabineti qeveritar dhe deputetët e PS janë zhvendosur në Durrës për t’u ardhur në ndihmë banorëve të prekur nga termeti me magnitudë 5.8 Rihter. Rama ka urdhëruar mazhorancën që të zbresin në terren dhe të jenë në komunik me qytetarët si dhe të evidentojnë zonat  e prekura nga tërmeti.

Kryeministri Edi Rama u ka kërkuar ministrave,  deputetëve socilaistë  që të zhvendosen në Durrës, në zonën më të prekur nga tërmeti me mganitudë 5.8 Rihter. Shefi i qeverisë ka kërkuar  komunikimi me qytetarët, lirimin e Stadiumit të Durrësit për t’i ardhur në ndihmë qytetarëve, si dhe identifikimin e të gjitha pikave të prekura nga dëmet të paraqitura në një hartë.

Edi Rama: Të gjithë sëbashku të ndahemi sipas zonave. Të fokusohemi në pikat kritike duke u përpjekur të shohim të gjitha shtëpitë apo godinat dhe duke u përpjekur që për çdo familje të ketë një kontakt sot.

Në mbledhjen e grupit socialist në Kryesinë e Kuvendit, Rama shprehet se pas kapërcimit të rrezikut do të dëmshpërblehen familjarët e dëmtuar.

Edi Rama: Pas kapërcimit të këtij momenti psikologjik do të vijojë procesi i mbështetjes për të çdëmtuar këdo që fuguron në listën e të dëmtuarve.

Kryeministri u tregua kritik me Erion Veliaj duke i kërkuar atij që të shtyjë festimet për ditët pa makina.

Edi Rama: Atë ditën pa makina mund ta shtyjmë ne për një ditë tjetër? 

Erion Veliaj: I kemi koncentuar të gjitha aktivitete tani në sheshin Skëndërbej edhe si një mënyrë për të qetësuar njerëzit që duan të dalin dhe preferojnë të rrinë më shumë jashtë sesa brenda. Duke parë sistuatën, por do gjejmë një mënyrë për ti bërë të dyja.

Nga tërmeti i  cilësiar si tërmeti më i fuqishëm në 20-30 vitet e fundit janë palgosur mbi 100 qytetarë.

EMISIONET