Ronaldo dështoi për "Topin e Artë", e dashura e CR7 befason me deklaratën e saj
E dashura e Cristiano Ronaldos, Georgina Rodriguez, ka shfrytëzuar llogarinë e saj në rrjetin social Instagram për ta komentuar rreth çmimit të "Topin e Artë 2019".
Pesë-herë fituesi i Topit të Artë, Cristiano Ronaldo, përfundoi i treti në garën për Topin e Artë këtë vit, pas qendërmbrojtësit holandez të Liverpoolit, Virgil van Dijk, dhe sulmuesit argjentinas të Barcelonës, Lionel Messi, i cili tani i ka gjashtë "Topa të Artë". Megjithatë, e dashura e tij e publikoi një mesazh për të në Instagram, pasi portugezi u raportua se ishte i mërzitur pas Topit të Artë.
“I pakrahasueshëm, i pandalshëm, i guximshëm dhe jokonformist. Këtë e dëshmojnë statistikat dhe titujt dhe ti je ylli me rezultatet e arrituar, në Ligën e Kombeve të UEFA-s, Kupën e Italisë, titullin e Serisë A dhe çmimin për lojtarin më të mirë të Serie A.
Por, ty nuk të përshkruajnë çmimet apo titujt, edhe pse ke kaq shumë. Ajo që të përshkruan ty më së miri është pasioni yt, dëshira jote për t’i kaluar sfidat dhe vullneti yt për të bashkëpunuar. Ti je një frymëzim për miliona e miliona njerëz në futboll dhe sport. Ti nuk ke frikë nga sfidat, duke e kaluar veten vazhdimisht dhe duke ia dëshmuar botës së je numri një. Të dua”.