Rama: Saliu donte të hapte tunelin për zgjedhje, Elbasani i dha Noc Rrokun

Rama: Saliu donte të hapte tunelin për zgjedhje, Elbasani i dha Noc

Kryeministri Edi Rama e ka cilësuar rrugën Tiranë-Elbasan njën nga katrahurat infrastrukturore të trashëguara nga qeveria Berisha.

Nga Klosi, Rama lajmëroi se brenda sezonit të ardhshëm pritet të mbarojë by-passi i Fierit, ndërsa ai i Vlorës kërkon më tepër kohë tha kryeministri.

Rama: Tiranë-Elbasan është një tjetër katrahurë se donte të hapte tunelin për zgjedhje.U nis me daulle e me saze për të hapur tunelin dhe rruga pa projekt, e keni parë në lajme. Rrëshqiti nja tre herë, ranë kodrat poshtë, na u desh të bëjmë gjithë projektin nga e para dhe na doli edhe më shtrenjtë ai ahengu i hajgares atje se donte të hapte tunelin që të merrte votat në Elbasan dhe mori Noc Rrokun nga Elbasani. Dhe rruga Tiranë-Elbasan sot ka projektin, ka dhe financimin që gjetëm për të korrigjuar të gjithë, se na ka kushtuar shtrenjtë hajgarja. Nuk është vetëm puna  e borxheve, por është puna se duke ribërë tani nga e para ato rrugët e lënë rrugëve duhen lekë. Brenda vitit do ta mbarojmë rrugën Tiranë-Elbasan.

 E keni dëgjuar kur thotë ja lashë gati by-passin e Fierit. Gati quan që bëri tenderat, i ra dhe daulleve. Se ashtu e di ai, po i re daulles bëhet rruga. By passi i Fierit një tjetër histori, bashkë me atë të Vlorës, e tmerrshme. Projekt mizereje, kontrata mizereje, me kompani fantazma që ziheshin me njera-tjetrën. Na u bë sheshi i by-passit sikur u ngjall Çezari me Pompeun duke luftuar në Fier. Ca që vinin kamionët dhe bllokonin njëri-tjetrin se nuk kishin lekë për ti dhënë njëri-tjetrit. Na u desh të prishim kontratën, të rishikonim projektin bashkë me BERZH që ishin të pataksuara nga ai shesh beteje midis kompanive fantazëm. Deri në shtator do ta nisim dhe deri sezonin tjetër do ta përfundojmë by-passin e Fierit, ashtu sikundër do ta nisim dhe by-passin e Vlorës por ai ka një afat pak më të gjatë se është vepër shumë më komplekse. 

EMISIONET