Nga Gramshi kryeministri Edi Rama tha se kreu i opozitës, Lulzim Basha i ka mbajtur me gënjeshtra kyetarët e bashkive të djathta.

Rama u shpreh se ata nga gara i nxorri Basha, i cili i mbajti me gënjeshtra dhe tani ata duhet të dorëzojnë zyrat.  

Edi Rama: Më vjen shumë keq për ata kryetarët e bashkive të Partisë Demokratike. Për ata sepse për ata të LSI-së, si hynë si dolën dihet. Hyjnë e dalin në kurriz të të tjerëve. Por për ata të PD-së më vjen shumë keq. Sepse ata nuk i nxorrëm në nga gara, i nxorri Luli. I nxorri Luli që i shaloi në rrena, jo po prisni se kemi të reja. Jo kemi lajme të mira, jo Ramën do ta rrëzojmë këtë të shtunë, jo po të shtunën tjetër, ja prit të vijë e shtuna tjetër. Ja prit ta këndojmë hymnin bashkë se kushedi trembet dhe ikën. Jo po do vijonë këtu amerikanët, gjetmanët, anglezët. I mbajti me rrena deri tani dhe tani ata të shkretë duhet të dorëzojnë zyrat. se nuk kanë ça bëjnë.

/Ora News.tv/