Partia Demokratike do të propozojë financim 100% nga shteti për subjektet politike dhe fushatat zgjedhore me qëllim shmangien e financave private nga burimet e dyshimta.

RTV Ora ka zbardhur drafin e opozitës për reformën zgjedhore në të cilin PD po punon së bashku me aleatët, në të cilin propozohet kriminalizimi i financimeve private.

Opozita kërkon që KQZ të bëjë një listë kostosh reference të detyrueshme me qëllim matjen e shpenzimeve për një kandidat dhe parti në fushatën zgjedhore si dhe të përcaktohen kriteret e llogaritjes se financimit për mediat.

Bylybashi: Propozimet qe vinë nga PS nuk kanë lidhje me thelbin e problemit. Duhet të garantojmë transparencë të plotë të burimeve nga partitë marrin financim, sesi ato shpenzojnë. Fushata zgjedhore nuk mund të jetë diçka e shtrenjtë, transparencë e raportimeve dhe pas një kontroll efikas. Kush ka shkelur ligjin të marrë pasojat përkatëse.

PD në draft parashikon gjithashtu uljen për mjetet e propagandës në fushatën zgjedhore. Kostoja e reklamave të zbritet në detyrimet që mediat kanë ndaj shtetit.

I pyetur se kur do të kemi një produkt final, Oerd Bylykbashi tha për gazetarët se "puna vazhdon. Kemi një kalendar të përcaktuar.Reforma zgjedhore bëhet vetëm në një mënyrë gjithëpërfshirëse dhe jo në një komision ku mazhoranca e sheh veten sa e shëmtuar është".

Bylybashi tha se zgjedhjet e parakohshme janë e vetmja zgjidhje për daljen nga kriza politike.

/Ora News.tv/