New South Wales, shteti i fundit i kontinentit që dekriminalizon abortin

New South Wales, shteti i fundit i kontinentit që dekriminalizon abortin

Pas një debati të nxehtë disa javor, New South Wales u bë sot shteti i fundit australian që dekriminalizoi abortin duke shfuqizuar një ligj 119-vjeçar.

Ligji i vitit 1900 parashikonte deri në dhjetë vjet burg për gratë që kryenin aborte dhe për mjekët. Aborti lejohej vetëm në rastet kur jeta e nënës ishte në rrezik.

Projektligji për dekriminalizimin e abortit u diskutua për muaj të tërë në parlamentin e shtetit, por u vonua nga një grup i vogël i deputetëve konservatorë liberalë që kundërshtonin linjën e partisë.

Më në fund, projektligji u miratua sot nën duartrokitjet e protestuesve në favor të të drejtave të grave.

Që nga tetori i vitit 2018, New South Wales, shteti më i populluar i Australisë, ishte vendi i vetëm ku abortet akoma ishin të ndaluara, megjithëse akti i vitit 1900 u zbatua rrallë.

Projektligji i miratuar sot legalizon abortet deri në javën e 22-të të shtatzënisë. Përtej kësaj kohe, mjekët duhet të këshillohen.

Vitin e kaluar Uellsi i Ri Jugor, kryeqyteti i të cilit është Sidnei, kishte ndaluar demonstratat rreth klinikave apo spitaleve ku realizoheshin abortet.

EMISIONET