Mourinho "trullos" Juven, kërkon mbrojtësin që mahniti në "Euro 2020"
Me Juventusin nuk po luan por me kombëtaren turke Merih Demiral rezultoi deçiziv duke u përzgjedhur nga UEFA në formacionin më të mirë të kualifikuesve "Euro 2020".
Demiral është aktivizuar vetëm një herë nga trajner Mauricio Sarri, i cili me sa duket nuk e preferon shumë turkun. Pavarësisht situatës së krijuar te bardhezinjtë, ofertat në drejtim të mbrojtësit nuk mungojnë me Milanin që vazhdon ta vëzhgojë me interes e Manchester United e Manchester City-in që i janë vënë pas lojtarit.
Së fundmi edhe Tottenham kërkon shërbimet e 21-vjeçarit. Juventusi për ta lënë të lire turkun kërkon 35 milionë Euro, një sakrificë e vogël kjo për të përmbushur kërkesat e Mourinhos në repartin e prapavijës tek londinezët.