Meksika kërkon bisedime për 'zonën e heshtjes'
Meksika ka kërkuar bisedime urgjente me OKB pasi një raport i lidhi forcat e sigurisë me zhdukjet masive në shtetin veri-lindor të Tamaulipas.
Raporti i OKB thotë se të paktën 21 persona janë zhdukur që në shkurt, pasi janë ndaluar nga forcat e sigurisë rreth Nuevo Laredo-s.
Një numër reporterësh janë vrarë në Tamaulipas dhe zyrtarët e OKB e quajnë vendin 'zona e heshtjes'.
Këtë javë, gazetari Hector Gonzalez u gjet i rrahur për vdekje në këtë shtet.
Qeveria meksikane thotë se do të marrë masa urgjente për të ndaluar dhunën dhe për gjetjen e të zhdukurve.
Gjithashtu, qeveria kërkoi më shumë informacion nga OKB.
OKB publikoi raportet të Mërkurën, duke dokumentuar zhdukjen e të paktën 21 vetëve.
"Shumë prej tyre thuhet të jenë ndaluar dhe zhdukur gjatë ditëve të zakonshme të tyre," shprehet komisioneri i lartë i të drejtave të njeriut Zeid Ra'ad al-Hussein.
"Është tmerrues fakti, që të paktën 5 prej viktimave janë minorenë dhe tre prej tyre vetëm 14 vjecc. Këto krime, të ndodhura në vetëm katër muaj, janë mizore."
Aktivisti i të drejtave të njeriut në Meksikë mendon se numri i të zhdukurve në Nuevo Laredo është më shumë se 40.
Më shumë se 200 mijë njerëz janë vrarë ose zhdukur që kur Meksika i shpalli luftë krimit të organizuar, më dhjetor të 2006-s.