"Më jep 20 mijë euro ose... ", arrestohen babë e bir nga Nikla e Krujës
Babë e bir nga Nikla e Krujës janë arrestuar pasi akuzohen se nëpërmjet mesazheve telefonike, i kërkonin shuma të mëdha parash (20 000 €) shtetasit H.L. 64 vjeç, banues në Fushë – Krujë.
Shtetasit e ndaluar janë:
Agim Çangu 46 vjeç, banues në Nikel, Krujë;
Gentian Çangu 19 vjeç, banues në Nikel, Krujë
"Shtetasit e ndaluar, më datë 02.11.2017 nëpërmjet mesazheve telefonike i kanë kërkuar shuma atë mëdha parash shtetasit H.L" informoi sot policia e Durrësit duke shtuar se pas një punë të mirëfilltë hetimore është bërë i mundur dokumentimi i plotë ligjor për këtë ngjarje.
Gjatë kontrollit policia ka sekuestruar në cilësinë e provave materiale: 4 aparate celularë, 12 karta SIM të kompanive të ndryshme telefonike.
Gjithashtu kanë sekuestruar një armë gjahu (teke), kal. 12 mm dhe një gëzhojë arme gjahu, me kapsollë të goditur.
Materialet i kaluan Prokurorisë së Krimeve të Rënda Tiranë për veprime të mëtejshme për veprat penale" Shtrëngimi me anë të kanosjes apo dhunës për dhënien e pasurisë” dhe “Prodhimi dhe mbajtja pa leje e armëve të gjuetisë dhe sportive” në bashkëpunim parashikuar, nga nenet 109-b , 25 dhe 280 të Kodit Penal.
Operacioni i koduar ”Shtrëngimi” u krye nga specialistët për Krimet në Komisariatin e Policisë Krujë, në bashkëpunim me Prokurorinë për Krimet e Rënda Tiranë dhe Forcën e Posaçme Operacionale në Policinë e Shtetit