Manjani shpërthen kundër Borchard: Parazit me imunitet diplomatik

Manjani shpërthen kundër Borchard: Parazit me imunitet diplomatik

Ylli Manjani ka reaguar ashpër ndaj veprimit të ambasadorit të OSBE në vendin tonë Berndt Borchard, i cili u drejtoi gishtin e mesit disa protestuesve të Unazës së Re.

Në një postim në rrjetet sociale, Manjani e quan Borchard një parazit me imunitet diplomatik që nuk i duhet Shqipërisë.

"Shqipëria, megjithë problemet e thella demokratike, nuk ka nevojë për OSBE parazite", shkruan Manjani në Facebook.

Reagimi i Ylli Manjanit

Meqë ra fjala, a di njeri të spjegojë se me çfarë llogjike, për më tepër me çfarë mandati rri këtu Prezenca e OSBE?!

Përveç se për të parazituar dhe për të fyer Shqiptarët, anëtarë të Këshillit të Europës, të NATOS e të vetë OSBE, çfarë misioni tjetër kanë ata këtu?!

Si ka mundësi që vijon rutina e përhershme e këtyre parazitëve me imunitet diplomatik, që vetëm prishin punë?! Të gjithë pensionistët e ministrive të jashtme të ahteteve anëtare shfaqen këtu për të shijuar ditët e fundit të karrierës.

As siguri, as demokraci e madje as zgjedhje të lira e të ndershme nuk garantojnë dot. Dalin madje edhe kundër ODIHR që është pjesë e vetë ODBE!

Kulmi!

Shqipëria monitorohet mjaftueshmërisht nga çdo institucion ndërkombëtar e qeveri e interesuar. Prezenca e OSBE nuk afron asgjë as në këtë drejtim. Asgjë fare, fare!

Bën vetëm një përmbledhje të thashethemeve të gazetave çdo sabah dhe e shpërndan poahtë e lart pa asnjë përgjegjësi.

Shqipëria ka detyrime të përcaktuara si në institucione ku është anëtare, ashtu edhe para istitucioneve ku dëshiron të anëtarësohet. OSBE nuk ka më asnjë rol për të luajtur.

Prandaj është momenti ta falenderojmë këtë prezencë, për prezencën e saj dhe ta ftojmë të mbledhë leckat e të shohë për ndonjë shtet tjetër në nevojë për ta.

Shqipëria, megjithë problemet e thella demokratike, nuk ka nevojë për OSBE parazite.

Enough is enough!

P.s. Nuk mund të mos e përsëris revoltën time për atë fyerje të rëndë që bëri shefi pensionist i Prezencës së OSBE mbrëmë: Shame on You!

EMISIONET