Mallakastër: Tërmeti i dëmtoi shtëpinë: Kam frikë të fle se më zë poshtë
Në bashkinë Mallakastër numërohen 12 banesa të dëmtuara nga tërmeti i fundjavës që lamë pas.
Gazetarja e Fierit Inelda Vallja ishte në banesën e Fatmir Sinanit, banesa më e dëmtuar në këtë bashki.
Pamjet që solli në redaksinë e Ora News tregojnë më së miri dëmtimet e mëdha që ka pësuar banesa. Janë çarë muret dhe themelet.
"Në dy dhoma kam frikë të qëndroj pasi janë çarë muret në të gjitha anët. Janë çarë themelet" thotë Sinani
I kontaktuar, kryebashkiaku Qerim Ismaili tha se pjesa më e madhe e banesave të dëmtuara janë të vjetra.
Plasaritje po ashtu kanë pësuar shkolla e Fratarit dhe kopshtet e fshatrave Usojë dhe Sfiri.
Në total janë 12 banesa të dëmtuara në bashkinë e Mallakastrës.