Kryemadhi: Rama fsheh kryepolicët e kërkuar dhe banditët e drogës

Kryemadhi: Rama fsheh kryepolicët e kërkuar dhe banditët e

Kryetarja e Lëvizjes Socialiste për Integrim Monika Kremadhi bën përgjegjës kryeministrin Edi Rama se po fsheh të kërkuarit nga drejtësia. Gjatë një konference, kryetarja e LSI-së tha se Rama dhe bashkëpunëtori i tij siç e quan ajo, Saimir Tahirin, pengojnë arrestimin e vëllezërve Habilaj. Kjo bëhet sipas saj, për shkak se ata mund të flasin.

Kryemadhi: Urdhër-arrestet për tre ish-drejtues të lartë të Policisë së Shtetit janë faktet alarmante për të treguar se rendi nuk ekziston më në Shqipëri. Përfshirja në trafikun ndërkombëtar të lëndëve narkotike të kupolës së Policisë së Shtetit, faktojnë akuzat tona se narkoshteti nuk ka ndaluar aktivitetin e tij.

 Me fshehjen që po ju bën tre të akuzuarve të drejtësisë, fakton para shqiptarëve se vijon të jetë pjesë e banditizmit të Habilajve apo të bandave të tjera.

Ky veprim i sotëm është në vazhdim të mbrojtjes së bandave të drogës dhe tregon se sot e kësaj dite nuk janë ndaluar dy vëllezërit Habilaj që janë në kërkim.

Ai së bashku me bashkëpunëtorin e tij Saimir Tahiri janë në dijeni të tyre dhe janë në dispozicion të fshehjes së tyre, kjo për faktin se kanë frikë se dikush nga ata flet, flet për çorbën që zien në kazanin e krimit që do të nxjerrë në krye të saj emrin e Edi Ramës.

Sot Edi Rama dhe oborri i tij heshtin për skandalin e radhës.

Zonja Kryemadhi përshëndeti edhe deklaratën e përfaqësuesit të Shteteve të Bashkuara në OSBE.

Kryemadhi: Sot dua të përshëndes ambasadorin e Shteteve të Bashkuara në OSBE për gjuhën e tij të drejtpërdrejtë për këtë situatë ku ndodhet Shqipëria. LSI ka të njëjtin qëndrim të palëkundur se korrupsioni dhe kriminaliteti mbetet një nga pengesat e mëdha. Kjo deklaratë që flet për emra të përveçëm dhe vendos gishtin mbi plagë është e kundërta e gjuhës së rrumbullakosur që kemi dëgjuar rëndomtë.  



EMISIONET