Kjo është dyshja e shqiptarëve që bëri kërdi me vjedhje dhjetëra mijëra euro
Dy shqiptarë, përkatësisht me 23 dhe 27 vjeç, janë arrestuar nga karabinierët në Forli dhe Meldola, të akuzuar për grabitje banesash.
Të enjten e kaluar, disa policë pritën shqiptarët Alfons Bibaj dhe Ndue Selmanaj, teksa do të zhvillonin grabitjet e radhës.
Kur u mbërthyen, ata shpërthyen në dhunë ndaj policëve në përpjekje për të shpëtuar.
Gjatë kontrollit të rrobave të tyre, u gjetën bizhuteri të shumta, rezultat i dy vjedhjeve që ndodhën disa orë më herët.
Inspektimi i shtëpisë së tyre, ka bërë të mundur zbulimin e sendeve të shumta me vlerë mbi 10 mijë euro.
Në makinën e përdorur prej tyre, gjithashtu u gjet një gurë fresibël, i përdorur për të prerë kasaforta.
Kontrollet e mëvonshme kanë zbuluar se ndaj njërit prej tyre ishin lëshuar dy urdhër-arresti evropian, nën akuzën e tentativës së vrasjes dhe armëve luftarake.
/S.Ll/