Kreu i Dhomës së Tregtisë dhe Industrisë Nikolin Jaka i ftuar në emisionin “Ekopolitikë” në RTV Ora tha se heqja e qeseve nga tregu do të rëndojë xhepat e konsumatorit.

Nikolin Jaka: Kemi të paktën një periudhë 3 vjeçare që anatemohet pjesa e investimit të plastikës. Do nxjerrim qeset plastike nga tregu, do jemi vendi i parë në Evropë, ne do bëjmë namin, do përdorim letrën. Ndërkohë që ne kemi industritë më të zhvilluara të BE që nuk dalin dot në deklarata të tilla, sepse të heqësh nga tregu qeset, në radhë të parë do të thotë të dëmtosh investimet që janë bërë në këto vende dhe në radhë të dytë rëndon xhepat e konsumatorëve. Lufta për mjedisin është globale dhe ti nuk mund të dalësh dhe me një të rënë të lapsit pa marrë asgjë nga llogaria në letër, unë kam këtë vizion dhe dua të realizoj këtë qëllim. Është e pamundur dhe kjo është arsyeja që industria e plastikës ndjehet sot e kërcënuar.

/Ora News.tv/