Investimet e huaja, Shqipëria duhet të vijojë reformat
Shqipëria duhet të vijojë reformat për një mjedis sa më miqësor për investitorët. Përfaqësuesi i shoqatës së investitorëve të huaj në Shqipëri, Silvio Petrazi tha se duhen reforma në sektorin e bujqësisë ku ende nuk ka interes nga investitorët e huaj.
Petrazi: "Ne jemi të gatshëm të bëjmë pjesën tonë por kërkojmë që mjedisi të bëhet edhe më miqësor. E dimë që qeveria i ka përparësi por duhet të ecet para. Duhet të kujtojmë se jemi ambasadorët më të mirë për të promovuar investimet. Është mirë të thithen investitorët e rinj. Por investitorët nuk kanë shumë interes për bujqësinë. Megjithatë nëse do të ndërmerrni reforma strukturore, investitorët do të kenë interes."
Ministri i Infrastrukturës dhe Energjisë Damian Gjiknuri ofroi më shumë garanci në zbatimin e kontratave.
"Qeveria do të bëjë rolin e saj duke ofruar lehtësira sa herë që të mund të ketë konflikte, sa herë që janë gjëra që varen nga qeveria e duhen patjetër që të zgjidhen në kohë" u shpreh Damian Gjiknuri.
Edhe ministrja e Shtetit për Sipërmarrjen dhe ministri i Bujqësisë premtuan zgjidhje për investitorët e huaj.
"Ktheni sytë nga bujqësia. Ju siguroj se qeveria është duke ndërmarrë hapa konkretë" thanë ministri Peleshi dhe ministrja Sonila Qato
Problemet kryesore që shqetësojnë investitorët e huaj janë burokracitë në administratë. Sistemi fiskal, problemet me pronën e korrupsionin.
/Oranews.tv/