Teksa pritej, PSV Eindhoveni ka shkarkuar mëngjesin e kësaj të hënë trajnerin Mark van Bommel. 

Vendimi i drejtuesve erdhi pas rezultateve të dobëta në këtë sezon. Kupa, me sa duket, u mbush me humbjen 3-1 me Feyenoordin në Roterdam.

“Rënia është shumë e madhe dhe e padenjë për PSV”, – thotë menaxheri i përgjithshëm i klubit holandez, Toon Gerbrands.  – “Ndeshjet janë matësi më i mirë për punën e një trajneri, por procesi rreth tyre është gjithashtu vendimtar. Ne e monitorojmë këtë intensivisht. PSV është një klub ku ne përpiqemi të ndihmojmë dhe mbështesim njëri-tjetrin. Kështu ka qenë edhe muajt e fundit. Interesi i klubit ka qenë gjithmonë parësor. Vlerësimi përfundimisht rezultoi në këtë vendim të dhimbshëm. Të gjithë kemi bërë gjithçka për ta kthyer situatën. Fatkeqësisht, nuk funksionoi “.

PSV do të prezantojë së shpejti pasardhësin e përkohshëm Mark van Bommel. PSV falënderon Mark van Bommel për përpjekjet e tij gjatë tetëmbëdhjetë muajve të fundit.

/Ora News.tv/