Gjykata Kushtetuese merr në dorë teatrin

Gjykata Kushtetuese merr në dorë teatrin

Pas 5 muajsh, Gjykata Kushtetuese ka marrë në shqyrtim kërkesën e Presidentit Ilir Meta për ta shpallur antikushtetues projektin e ndërtimit të Teatrit të ri në rrënoja e godinës së vjetër. 

Më 22 janar Kushtetuesja në dhomë këshillimi do të diskutojë për prishjen e Tetarit Kombëtar dhe ndërtimit të godinës së re, por para ditës së seancës, Gjykata kërkon raport me shkrim nga institucionet e përfshira. 

Bashkia e Tiranës, Këshilli i Ministrave, Ministria e Financave, e Kulturës si dhe Kuvendi i Shqipërisë kanë afat deri me 22 janar që të mbrojnë me argumenta me shkrim projektin për teatrin e ri. 

Seanca e Gjykatës Kushtetuese në Dhomë Këshillimi do të jetë me dyer të hapura, e cila pritet t’i japë fund debateve prej më shumë se një viti të artistëve dhe bashkisë së Tiranës për prishjen ose jo të teatrit Kombëtar. 

Që nga miratimi i projektit nga ana e parlametit, artistët kanë marrë në mbrojtje teatrin duke qëndruar fizikisht me turne 24 ore në godinën e Teatrit, ndërkohë edhe ditën e hënë kanë protetuar para Bashkisë së Tiranës për mungesë transparente nga ana e këtij institucioni.

EMISIONET