Italia nuk pranon emigrantë

Italia nuk pranon emigrantë

Italia do të mbyllë kufirin e saj për anijet e refugjatëve të paligjshëm nga vendet e lindjes, pavarësisht rrezikut që mund të sjellë ky vendim. Kjo është deklarata e kryeministrit italian Xhuzepe Konte gjatë fjalës që mbajti pasi u thirr në parlament për të dhënë shpjegime lidhur me çështjen e anijes Dicoti. Ndërkohë në Itali janë zhdukur gjithë emigrantët e lënë nën kujdesin e kishës ndërsa 20 persona të tjerë presin të transferohen për strehim në Shqipëri.

"Italia nuk është më e disponuehsme në strehimin e emigrantëve që mbërrijnë në territorin e saj". Kështu ka

deklaruar në Parlamentin Italian kryeminsitri Giuseppe Conte gjatë shpjegimeve që dha pas thirrjes së deputetëve për çështjen e anijes Diçotti.

 Conte: "Në krahasim me të shkuarën, Italia nuk është më e disponueshmë për një mikrpitje të emigrantëve, me gjithë rrezikun që mund të sjellë ky vendim në rritjen e trafikut të qënieve njerëzore, apo në delegimin e përgjegjësisë që i takon Bashkimit Europian. Europa duhet të adoptojë një mekanizëm të qëndrueshëm e afatgjatë për menaxhimin e fazave të zbarkimit, shpërndarjes e riathdhesimit të emigrantëve." Çështja e anijes Dicotti është një faqe e shëmtuar e Bashkimit Europian".

Duke iu referuar anjes Dicotti, kreu i ekzekutivit italian tha se pa ndërhyrjen e anijeve bregdetare italiane, majft prej emigrantëve të shpëtuar do të kishin mbetur viktima.

Kryeministri italian ka akuzuar Europën për indiferencë ndaj çështjes së anijes me emigrantë. Pavarësisht kërkesës së  Italisë për një plan shpërndarje të emigrantëve, në mbledhjen e  Brukselit të 24 gushtit, përgjigja e institucioneve europaine ka qënë negative.

Ndërkohë emigrantët e anijes Dioctti vazhdojnë të mbeten një debat i hapur itali. Të gjithë klandestinët e marrë në strehim nga Kisha Italiane rezultojnë të zhdukur. Ata janë larguar nga qëndrat e strehimit të vëna në dispozicion në dioqezat e ndryshme italiane.

Shumica e emigrantëve të anijes Dicotti nuk kanë pranuar të prezantojnë kërkesën e azilit në Itali me frikën e qëndrimit të përhershëm në këtë territory. Minsitria e Brendshme Italiane ka njoftuar se 34 prej emigrantëve të anijes Dicotti janë ndaluar në bordin e një autobusi në kufirin Ventimiglia e që po udhëtonte drejt Francës. Ndërsa në Messina të Sicilisë 20 persona të tjerë janë në pritje të nisjes së procedurës së transferimtit në Shqipëri.

EMISIONET