FSHF dënon dhunën në Përmet: Aspak "fair" dhe tërësisht e papranueshme

FSHF dënon dhunën në Përmet: Aspak "fair" dhe

Federata Shqiptare e Futbollit dënon të gjitha aktet e dhunës në fushën e lojës gjatë ndeshjes Përmeti-Këlcyra në drejtim të arbitrit të ndeshjes.

"Akte të humbjes së një gjakftohtësie ekstreme dhe tërësisht të panevojshme të lojtarëve për vendimet arbitrare. Këto janë akte të dënueshme dhe tërësisht të papranueshme. FSHF po e ndjek me shumë intensitet një ngjarje të tillë dhe inspektorët dhe zyrtarët e saj po mbledhin të gjitha provat dhe informacionet e nevojshme për të paraqitur një relatim të plotë dhe për të zbardhur tërë ngjarjen në atë ndeshje. 

FSHF dënon me shumë forcë të tilla fenomene që kishin kohë që ishin evituar, por siguron se komisionet do të marrin në një analizë të thellë këtë rast aspak "fair" dhe mëse ekstrem. Të tilla ekspozime dhune dhe gjaknxehtësie ekstreme janë tërësisht të dënueshme dhe nuk i përkasin frymës fair në futboll dhe do të marrin përgjigjen e duhur sipas të gjitha dispozitave që parashikon Kodi i Drejtësisë Sportive", thuhet ne njoftimin e FSHF-se

Cfare ndodhi?

Ndeshja e futbollit të Kategorisë së Dytë mes Përmetit dhe Këlcyrës është kthyer në një betejë mes futbollistëve dhe arbitrit të ndeshjes.  
Në minutën e 82 të ndeshjes teksa rezultati ishte 1 me 1, gjyqtari Alvi Paco ka vendosur të akordojë një penallti në favor të miqve çka ka shkaktuar dhe përplasjen me vendasit. 

Madje jo vetëm futbollistët por dhe tifozët në kor kanë ofenduar gjyqtarin për vendimin e tij. 

Në fushë është dashur ndërhyrja e forcave të policisë për të shpëtuar Pacon nga futbollistët e Këlcyrës. ndërkohë pas ndërprerjes së ndeshjes forcat e rendit kanë shoqëruar në polici për të dhënë sqarime mbi ngjarjen trajnerin e vendasve si dhe lojtarët Entilion Kamberaj, Klodian Xhakollari dhe Andi Hina.  

EMISIONET