A e rrit sistemin tonë imunitar masturbimi? Ja çfarë thonë doktorët

A e rrit sistemin tonë imunitar masturbimi? Ja çfarë thonë

Tani që COVID-19 është konfirmuar zyrtarisht si një pandemi nga Organizata Botërore e Shëndetit, të gjithë kanë filluar të mbushin sirtarin plot me perime me zarzavate të freskëta dhe dezinfektantë duarsh.

Pra, çfarë tjetër mund të forcojë sistemin tuaj imunitar? A është thashethem se masturbimi ndihmon për të shmangur infeksionin?

 Për të vërtetuar këtë u krye një studim nga Departamenti i Psikologjisë Mjekësore në Klinikën Universitare të Essen, Gjermani, e cila u botua në revistën Neuroimmunomodulation në 2004.

Duke përdorur një grup prej 11 pjesëmarrësish meshkuj, studimi shikoi efektet e orgazmës përmes masturbimit në lidhjme me numrin e qelizave të gjakut dhe sistemin imunitar. Numri i qelizave të bardha të secilit pjesëmarrës u regjistrua pesë minuta para dhe 45 minuta pasi arritën orgazmën dhe u arrit përfundimi se numri i qelizave të bardha pas orgazmës ishte më i lartë.

A do të thotë ky studim i vogël që njerëzit duhet të fillojnë të kënaqin veten për të qëndruar të shëndetshëm?

"Ka pasur disa studime shumë të vogla që sugjerojnë se kimikatet që lidhen me sistemin imunitar të trupit ndikohen nga stimulimi seksual," u shpreh Gail Saltz, MD, një profesor i asociuar i psikiatrisë në Neë York-Presbyterian Hospital Weill-Cornell School of Medicine. Megjithatë, ai tregon se studimet janë shumë të pakta dhe nuk janë përsëritur. "Për dijen time, asnjë studim nuk thotë posaçërisht se masturbimi rrit sistemin imunitar në mënyrë  të parandalojë ose ndihmojë në luftimin e infeksionit," thotë Dr. Saltz.

Por kjo nuk do të thotë që masturbimi nuk vjen me një mori përfitimesh shëndetësore mendore dhe fizike. Edhe pse disa studime përqendrohen në mënyrë specifike në burimet e seksit, orgazmat në përgjithësi besohet se zvogëlojnë stresin, ulin presionin e gjakut, rritin vetëvlerësimin dhe lehtësojnë dhimbjen.

Sipas Klinikës Mayo, praktikisht çdo formë e stërvitjes mund të veprojë si një antistres. Dhe masturbimi llogaritet si aktivitet fizik, apo jo?

Përtej përfitimeve shëndetësore, masturbimi madje mund të ndihmojë marrëdhënien tuaj. Një studim, botuar në Gazetën e Edukimit për Seksin dhe Terapinë, zbuloi se gratë që masturboheshin kishin martesa më të lumtura në krahasim me ato që nuk i dhanë vetes kënaqësi seksuale.

A do t'ju ndalojë masturbimi nga sëmundja? Me një fjalë, jo. Për të forcuar sistemin tuaj imunitar, duhet të filloni me dietën dhe stërvitjen. "Mënyra më e rëndësishme për të mbajtur sistemin tuaj imunitar të funksionojë normalisht është mënyra e modës së vjetër për të cilën askush nuk i pëlqen të flasë: dieta dhe stërvitja", tha Timothy Mainardi, MD, një alergolog dhe imunolog me qendër në New York City.

EMISIONET