Kryetari i PD-së, Lulzim Basha, ndau me ndjekesit e tij në facebook nje video, për të mbështetur akuzën e tij se Kryeminitri  Edi Rama, është kërcënim dhe rrezik për jetën dhe sigurinë e çdo familje shqiptare.

 Basha, shkruan se krahasuar me Edi Ramën, Valdrin Pjetri është një kriminel i rangut të tretë, një trafikant i dënuar droge që ka fshehur të kaluarën e tij. Sipas tij që të largojmë krimin duhet të largojmë Edi Ramën.

"Edi Rama është kërcënim dhe rrezik për jetën dhe sigurinë e çdo familje shqiptare. Gjatë regjimit të tij, Shqipëria u kthye në parajsën e krimit të organizuar dhe të pastrimit të parave të pista nga trafiku i drogës dhe korrupsionit.Krimi dhe Edi Rama janë të pandashëm" shkruan Basha ne facebook. 

Ndërkohë kryetari i Partisë Demokratike Lulzim Basha,  ditën e punës e nisi me një takim me kryetaren e LSI-së, Monika Kryemadhi. Takimi ka zgjatur më shumë se 60 minuta, ndërsa është diskutuar qëndrimi që do të mbahet pas zhvillimeve në Shkodër. Diskutimi mes dy aleatëve kryesor opozitarë, ka tejkaluar Shkodrën, duke u fokusuar tek aksioni kundër qeverisë në sesionin e ri politik.

 

/Ora News.tv/