Albin Kurti: Minishengeni Ballkanik është Jugosllavia e katërt, është edhe në interes të Rusisë
Sipas kryeministrit të Kosovës Albin Kurti minishengeni ballkanik nuk është realitet por thjesht një ide.
Në një intervistë për KTV, Kurti deklaroi gjithashtu se minishengeni paraqet Jugosllavinë e katërt e cila është dhe në interesin e Rusisë.
Albin Kurti: “Më duhet të jem i sinqertë se Minishengeni Ballkanik nuk është realitet, më shumë është ide se sa projekt. Për të bashkëpunuar gjashtë vendet e rajonit ne kemi kornizën e Procesit të Berlinit. Në këtë kuptim edhe nuk ka ndonjë gjë të re. Minishengeni ballkanik ka rreziqet e veta, kam thënë se ai paraqet Jugosllavinë e katërt, të cilën Serbia e do, kjo është intenca e Beogradit. Duhet të jemi shumë të kujdesshëm pasi ka rreziqe përtej atyre buzëqeshjeve. Mendoj se ka qenë shumë më i relaksuar para dy viteve se sa që ka qenë sot, e sot Rama është më i vëmendshëm se sa që ishte para një viti. Intencat e Serbisë që po i shohim sërish në Mal të Zi, janë evidente”.