Akuzohen për vjedhje të rënda në banesa, Italia dënon me burg shqiptarët
Nga OraNews Përditësimi i fundit 17 Prill 2019, 16:26
Dy shqiptarë janë dënuar nga gjykata italiane me 2 vjet e 2 muaj burg, nën akuzën e vjedhjeve të rënda në banesë, në zonën e Rapolano Terme.
Mediat italiane bëjnë me dije se të dënuarit janë një 36-vjeçar dhe një 21-vjeçar.
Dënimi i tyre është dhënë me 11 prill të këtij viti, ndërsa vjedhjet e shumta të tyre shqiptarët, emrat e të cilëve nuk janë bërë të ditur i kanë kryer më së shumti në provincën e Sienës dhe Arezzo.