Arrestimi për komisionerët, Manjani: Si do të shkosh te peshqit e mëdhenj kur nuk e di a ka vdekur peshku i vogël?

Arrestimi për komisionerët, Manjani: Si do të shkosh te peshqit e

Në një intervistë për RTV Ora, ish-ministri i Drejtësisë Ylli Manjani duke folur për kërkesën e arrestimit të dy ish-komisionerëve të vdekur tha se kjo ka të bëjë me sistemin bolshevik të drejtësisë.

Për Manjanin, sistemi i drejtësisë penale është i gabuar se lejon abuzime mbi qytetarët.

Ylli Manjani: Kjo është pasoja e një drejtësie në sistem dhe nuk u rregullua për vite. Kemi një sistem drejtësia bolshevik që prodhon këto pasoja. Ligji i arrestime që është në drejtësinë panale është bolshevik. U bie në qafë viktimave me pa të drejtë. Nuk kam problem me prokurorët, ata mund të jenë të aftë, por sistemi i drejtësisë penale është i gabuar se lejon abuzime mbi qytetarët. Çfarë hetimesh janë bërë për këtë çështje, kur ti nuk e di a ka vdekur personi? Si do të shkosh te peshqit e mëdhenj kur nuk e di a ka vdekur peshku i vogël?

Manjani tha se nuk janë bërë, por ndodhemi përpara një hakmarrje të shtetit.

Ylli Manjani: Cfarë kuptimi ka të bëhen hetimet? Së paku te bëheshin hetime sa bëri gazetari i BILD. Nëse njerëzve nuk u jepet garanci, por paketohen në dhomat e paraburgimit, nuk është drejtësi, por hakmarrje e shtetit. SPAK-u ka ndjekur një çështje rutinë, por çështja është sistemi sepse ligji është i gabuar, që i cilësojnë njerëzit letra. Ky është problemi.

Ai shtoi se kjo nuk është një çështje tip e SPAK-ut, duke thënë se një e tillë do të ishte ajo e shembjes së Teatrit Kombëtar.

Ylli Manjani: Për mua çështja tip e SPAK-ut është çështja e Teatrit Kombëtar pasi ka një sërë abuzimesh. Akoma nuk ka një vendim zyrtar që kush e shembi atë godinë. Kush e parë inventarin e drejtorisë së Teatrit? Këto gjëra priten, që janë subjekte të nivelit të lartë. Unë mendoj se kjo është e pritshme që t’i jepej një besim sistemit të drejtësisë. nuk mund të pritet që të ikë kjo qeveri për të ikur.

Vendi Lajme vdekur Aktualitet komisionere arrestimi ylli manjani peshqit e medhenj

EMISIONET