Mbrëmjen e sotme mbërrijnë në Rinas 15 mijë vaksina anti-Covid nga Pfizer, si pjesë e kontratës që qeveria shqiptare ka me kompaninë.

Ndërkohë brenda 10 ditëve të para të marsit pritet edhe mbërritja e 14 mijë doza të vaksinës AstraZeneca, si pjesë e mekanizmit COVAX.

Duke folur mbi vaksinat e fundit, deputeti i opozitës Ralf Gjoni  deklaroi në Kuvend se Shqipëria e ka blerë vaksinën e AstraZeneca me 24 euro në një kohë që shtetet e tjera e kanë marrë me 2 euro.

Gjoni: Me 20 milion euro që ju doni të blini për të identifikuar gishtat e shqiptareve, për hir të kompanisë së Lulzim, mund të kishim blerë 7 milion doza të vaksinës AstraZeneca, 3 euro për dozë. Kaq është kostoja, po marr kostën maksimale. Mund të kishim lerë 1.6 milion doza të kompanisë Pfizer, mund të kishim blerë 2.8 milion doza nga Jonhnson & Johnson që sapo është aprovuar nga SHBA. Ndërkohë çfarë ndodh i japim 4 milion dollarë COVAX për 141 mijë doza nga AstraZeneca, kjo është çmenduri. I bie që në nëse nuk gabohem, nëse do marrim 140 mijë doza. I bie që po e blejmë dozën me 24 euro për dozë, nëse kaq është totali. Pra ju po më konfirmoni që vendet e tjera e blejnë me 2 euro ndërsa ne me 24 euro. Në treg do kishim mundër të blenim më shumë dhe t’i dhuronin dhe Kosovës.