Korçë - Zjarri rrezikon djegien e masivit pyjor mes fshatit Lekas dhe Voskopojë
16/08/2017 - 19:41

Një zjarr masiv në zonën mes fshatit Lekas dhe Voskopojë në Korçë ka vënë në rrezik masivin pyjor në këtë territor.

Terreni i thyer dhe pamundësia për të ndërhyrë më zjarrfikëse ka bërë që drejtoria e Përgjithshme e Emergjencave civile t’i kërkojë kompanisë “VIVA Helikopters” dërgimin urgjent të një helikopteri për të shuar zjarrin.

Në shkresën që Emergjencat i dërgojnë VIVA-s thuhet se zjarri ka rënë në vendin e quajtur “Përroi i Qershisë” mes fshatrave Lekas e Voskopojë dhe ka përhapje në një sipërfaqe të madhe, duke rrezikuar kështu të gjithë zonën pyjore.

Ndërkaq, në 24 orët e fundit, operacionet e VIVA-s përkrah Drejtorisë së Përgjithshme të Emergjencave Civile janë përqendruar në Rrogozhinë.

Drejtoria e Emergjencave Civile ka evidentuar se zjarri në këtë zonë ka qenë në një sipërfaqe të mëdhe pyjore dhe ka qenë e pamundur të veprohej me forca të tjera.

VIVA vijon bashkëpunimin me Emergjencat Civile, shërbimet zjarrëfikse dhe forcat e armatosura në këtë situtatë të vështirë në të cilën ndodhet vendi me 5 vatra aktive zjarri.

Helikopterët VIVA vijojnë të jenë në misionet e tyre për fikjen e zjarreve në të gjithë territorit të vendit.

Gjatë verës, VIVA Helikopters është angazhuar me Emergjencat Civile dhe autoritetet e tjera për të kryer ndërhyrje për vënien nën kontroll të situatës. 

Më shumë se 200 orë fluturimi; misione të kryera në të gjithë vendin dhe qarqet më problematike për të minimizuar dëmet në zona e mbrojtura, pyje, e banesa.

/Oranews.tv/

Të parët për lajmin e fundit. Ndiqni Oranews.tvFacebook dhe në Twitter

Read previous post:
Turizmi, Prefekti ngre problemin e ujit, stafit mjekësor dhe kullat e rojës

Close