Të “zhytura” në borxhe - Shumica e Ministreve të Ramës borxhlie në banka për kredi të pashlyera
19/07/2017 - 21:27

Shumica e Ministreve të kabinetit Rama rezultojnë të mbytura në borxhe. Të paktën kështu rezulton nga deklarimet e publikuara në portalin “Spending Data Albania”, ku janë publikuar shpenzimet e kryera nga Ministret në vitin 2016.

Me përjashtim të zonjës Ogerta Manastirliu që në shpenzime i figuron edhe blerja e një automjeti, koleget e saj të kabinetit “Rama” i kanë kryer shpenzimet për të paguar kredite.

Shpenzimet më të mëdha, duket se i ka kryer Ministrja e Inovacionit Milena Harito, e cila në vitin e kaluar ka paguar plot 17 295 euro, si principal dhe interesa për dy kredi.

Më pas, për nga sasia e shpenzimeve vjen Ministrja Ogerta Manastirliu e cila ka shpenzuar 900 000 lekë për blerjen e një automjeti dhe 288 113 lekë për shlyerjen e një kredie të butë.

Më pas për nga sasia e shpenzimeve vjen Ministrja e Integrimit Klajda Gjosha, e cila sipas portalit “Spending Data Albania” ka paguar 234 276 lekë për një kredi bankare të marrë për blerjen e një shtëpie.

Ministrja e Ekonomisë, Milva Ekonomi, del se ka shpenzuar 209 342 lekë për shlyerje kredie, ndërsa Ministrja e Zhvillimit të Turizmit Eglantina Gjermeni 205 294 lekë gjithashtu për kredi.

Ministrja e Kuturës, Mirela Kumbaro, rezulton gjithashtu se ka shpenzuar 128 000 lekë për një kredi bankare.

Ndërkaq, Ministret Lindita Nikolla, Mimi Kodheli, Ermonela Felaj dhe Olta Xhaçka nuk rezulton të kenë kryer asnjë shpenzim të deklaruar në vitin 2016.

Ajo që të bie në sy është fakti se disa prej Ministreve rezultojnë ende borxhlie.

  1. Lindita Nikolli
  2. Mimi Kodheli
  3. Milena Harito
  4. Ermonela Felaj
  5. Mirela Kumbaro
  6. Klajda Gjosha
  7. Milva Ekonomi
  8. Eglantina Gjermeni
  9. Ogerta Manastirliu
  10. Olta Xhacka

/Oranews.tv/

 

Të parët për lajmin e fundit. Ndiqni Oranews.tvFacebook dhe në Twitter

Komento

Read previous post:
Shtëpia parajsore!

Close