Operacioni - Sekuestrohet gomonia në Shëngjin, katër persona në pranga
13/08/2017 - 20:15

Një gomone e cila ishte trafikuar nga Italia u sekuestrua në brigjet e Shëngjinit, ndërsa në pranga janë vënë katër persona.

Gomonia është pikasur nga policia kufitare në afërsi të portit rreth orës 04:00 të mëngjesit të së dielës (13 gusht 2017). Pranë saj janë gjetur rreth 30 bidonë me benzinë dhe një automjet.

Me datë 13.08.2017, në vijim të kontrollit të vijës bregdetare për parandalimim dhe goditjen e veprimtarisë kriminale në fushën e trafiqeve të paligjshme, nga shërbimet e Drejtorisë Rajonale për Kufirin dhe Migracionin Durrës , në bashkëpunim me Delta Force dhe shërbimet e  Drejtorisë Vendore të Policisë Lezhë , nga kontrolli i ushtruar, në vendin e quajtur “Skalierat Veriore” në Shëngjin, kanë  konstatuar në breg,  1 gomone dhe 1 automjet tip Alfa Romeo,  në afërsi të gomones.  Menjëherë është ndërhyrë nga efektivet e policisë që kanë bërë bllokimin dhe sekuestrimin e gomones, automjetit Alfa Romeo , si dhe 30 bidona të mbushur me lëndë djegëse benzinë ( 2 bidona ishin në gomome, 12 bidona ishin në automjet si dhe 16 bidona ishin në tokë mes gomones dhe mjetit)”, sqaron policia.  

Të arrestuarit janë:

– Eltion Isufaj , 29 vjeç, banues në Vlorë për veprën penale, “Kontrabandë me mallra që paguhet akcizë” “Trafikim i mjeteve motorrike”   parashikuar nga nenet 172  dhe 141/a të Kodit Penal

-Nertil Shehu, 26 vjeç, banues në Vlorë,  për veprat penale “Trafikim i mjeteve motorrike” “Kontrabandë me mallra që paguhet akcizë ” “Kalim i paligjshëm i kufirit” “Fallsifikim monedhash” parashikuar nga nenet 141/a , 172 , 297 dhe  183 të Kodit Penal.  (Nga kontrolli fizik i ushtruar nga Policia, Nertilit i janë gjetur në xhep 100 dollarë të dyshuar të falsifikuar).

– Eduart Musia, 30 vjeç, banues në Vlorë, për veprat penale “Trafikim i mjeteve motorike” “Kontrabandë me mallra që paguhet akcizë” Kalim i paligjshëm i kufirit” parashikuar nga nenet 141/a , 172 dhe 297 të Kodit Penal.

– Arbër Bregu, 27 vjeç, banues në Tiranë, për veprën penale “Kontrabandë me mallra që paguhet akcizë” parashikuar nga neni 172 i Kodit Penal.

Po nga hetimet e kryera nga Specialistët për Hetimin e Trafiqeve të Paligjshme në D.V.P.Lezhë, dyshohet  se mjeti lundrues Gomone është i trafikuar nga Italia për në Shqipëri nga shtetasit  Nertil Shehu, Eduart Musia dhe Eltion Isufaj.

Materialet proçeduriale i kaluan Prokurorisë së Rrethit Gjyqësor Lezhë për veprime të mëtejshme.

Foto: Gomonia e sekuestruar

Foto: Gomonia e sekuestruar

Foto: Automjeti i sekuestruar

Foto: Automjeti i sekuestruar

 

/Oranews.tv/  

Të parët për lajmin e fundit. Ndiqni Oranews.tvFacebook dhe në Twitter

Read previous post:
Investment at Lake Park, City Hall is constructing a third sport area

Close