Kuvend, mazhoranca kalon referendumin
04/03/2013, 22:20
Përditesuar: 05/03/2013, 9:48
" frameborder="0" allowfullscreen>

Maxhoranca i drejtohet votës qytetare për 3 ligjet e integrimit. Në Kuvend dështoi përpjekja e fundit e kryeministrit Berisha për miratimin në Kuvend të 3 ligjeve, kusht të Brukeslit për statusitn, duke detyruar mazhorancën të miratojë vetëm më votat e saj nismën që i hap dritën jeshile mbajtes së referendumit.

Kreu i qeverisë në këmbim të tërheqjes së nismës ka ofruar gjetjen e një kompromisi mes palëve, duke propozuar një takim mes krerëve të grupeve të PD-së dhe PS-së, por opozita jo vetëm që nuk pranoi konsensus por braktisi sallën e Parlamentit para votimit.

“Të votojmë këto tre ligje, të përcaktojmë një kohë që do t’i votojmë para shqiptarëve. Sovrani do të flasë. Unë ju ftoj në mënyrën më të sinqertë. Urdhëroni ti votojmë ligjet. Zonja kryetare të bëhet një takim mes kryetarëve të grupeve, 5 minuta pushim” tha Berisha.

Nga salla e Kuvedit kryeministri lëshoi një deklaratë të fortë duke u shpreh se zotëronte prova filmike të një komploti të Edi Ramës ndaj Fatos Nanos.

“A doni të dini ju komplotin si u rrëzua Fatos Nano? T’jua them sot? Do jua jap të regjistruar sesi u stis komploti nga Edi Rama me ca bashkëpunëtorë të mi. A ka kryetar partie që merr dhe paraqet një kandidat në Kukës për tu thënë deputetëve të veriut, ku u thotë se ia këputa kokën maçokut. Në Fier dhe atje veproi. Ngrihuni mbi këto gjëra dhe të votojmë ligjet dhe të bëjmë histori në këtë parlament, të dimë që keni interesa. Unë me të mira, ju si të doni” tha Berisha.

Në fund të seancës maratonë prej 12 orësh Parlamenti votoi me 73 vota pro maxhorancës dhe 61 kundër te opozitës, privatizimin e 4 HEC-eve, Lotarinë Kombëtare, dhe Aktin Normativ për legalizimin e banesave.

 

Komento