Ju sjellim në foto Beratin 100 viteve më parë, ja si dukej
19/05/2017 - 13:14 Nga: Erjola Azizolli

Në Berat është çelur një ekspozitë që risjell qytetin e një mijë e një dritareve në një këndvështrim historik. Foto të Beratit të një shekulli më parë të bëra nga vizitorë vendas e të huaj, kanë ngjallur kuriozitet te vizitorët. Ringjallja e jetës kulturore në Berat cilësohet edhe si pikë për shtimin e numrit të turistëve.

“100 vite më parë, Berati, udhëtim në foto historike”, titullohet ekspozita e çelur në Muzeun Etnografik, në qytetin e mbrojtur të UNECSO-s.

Nëpërmjet fotografive në format të madh prezantohet Berati i 100 viteve më parë, fokusuar në celuloid prej vitit 1904 deri në vitin 1940 nga fotografë të njohur shqiptarë dhe të huaj që kanë vizituar Beratin.

Fotot paraqesin arkitekturën e qytetit, jetën e banorëve, pazaret, veprat si sahati i vjetër, rrugë, çezma, saraje, etj.

Drejtori i Qëndrës Kombëtare të Muzeumeve, Agron Polovina tha se rijetëzimi i trashëgimisë kulturore, përmirësimi i infrastrukturës muzeore, kanë bërë që në periudhën janar-maj 2017, Berati të vizitohet nga rreth 9 mijë vizitorë, rreth një mijë vizitorë më shumë se i gjithë viti 2013.

Risia e këtij viti është se Berati po tërheq vëmendjen jo vetëm të turistëve të huaj por edhe të vizitorëve vendas, veçanërisht në fundjavë.

/Oranews.tv/

Të parët për lajmin e fundit. Ndiqni Oranews.tvFacebook dhe në Twitter

Komento

Artikull i Rekomanduar:
Itali, 33 vjeçari shqiptar vdes tragjikisht në punë

Close