Parashikimi i motit - Java do të dominohet nga moti i kthjellët, mos shpërdoroni ujin
17/07/2017 - 17:53

Meterologët parashikojnë mot kryesisht të kthjellët. Situata nga zjarret vijon te mbetet problematike. Ata u bëjnë thirrje qytetarëve të bëjnë kujdes dhe të mos shpërdorojnë ujin.

Për të gjithë ju që jeni duke pushuar ka një lajm të mirë, ditët në vijim parashikohet mot i kthjellët dhe i ngrohtë.

Gjatë kësaj jave reshje të izoluara shiu do të ketë kryesisht në terrene malore, gjatë orëve të pasdites.

Temperaturat pritet të kenë një rritje graduale ndërkohë që situata e erës vijon të mbetet problematike por duke filluar nga dita e nesërme pritet të ketë një rënie të forcës së saj.

Situata e rrezikut nga zjarret vazhdon të paraqitet e rëndë kryesisht në pjesën veri-perëndimore dhe në perëndim të vendit.

Në ditët në vijim rreziku do të vijë duke u përhapur gradualisht drejt jugut dhe lindjes duke arritur pikën më të nxehtë ditën e djelë, si në përhapje dhe në intesitet.

Aktualisht ka mungesa të rezervave ujore për shkak të thatësirës së tejzgjatur nga muaj tetor i vitit të shkuar deri në muajin qershor të këtij viti.

Situata do të vijë duke u përkeqësuar, për shkak të parashikimit të thatësirës përgjatë verës në të gjithë territorin.

Rekomandohet përdorimi i kujdesshëm i sasive të ujit për shkak të përkeqësimit të situatës deri në muajin shtator.

/Oranews.tv/

 

 

Të parët për lajmin e fundit. Ndiqni Oranews.tvFacebook dhe në Twitter

Read previous post:
ALUIZNI i vë shtëpinë në emër të vëllait, BOOM zgjidh problemin

Close