Itali - Iu arratis policisë italiane thuajse lakuriq, shqiptari arrestohet në Spanjë
11/01/2017 - 19:56

Një 30 vjeçar shqiptar iu arratis policisë italiane nga shtëpia e partneres së tij në Sesto San Giovanni vetëm me mbathje, por u arrestua në aeroportin e Barcelonës.

Mediat italiane bëjnë me dije se bëhet fjalë për 30 vjeçarin shqiptar Erjol Bode, i cili është dënuar me burgim prej 9 muajsh, ndërsa ndaj tij kishte një urdhër arrestimi evropian lëshuar nga prokurorët në Monza.

Ai u arrestua sapo mbërriti në Spanjë me qëllim për t’i shpëtuar drejtësisë italiane, duke krijuar një identitet të ri.

Hetimet ndaj tij nisën në gusht të vitit të shkuar për shfrytëzim prostitucioni në Monza të një 32 vjeçareje si dhe për dokumente të rreme.

Gjatë aksionit për arrestimin e tij në atë kohë, ai mundi të arratisej vetëm me të brendshme, ndërsa sulmoi policët që përfunduan në spital.

Policia gjeti edhe një 1 kg hashash, si dhe sende të tjera. Ai akuzohet për disa vepra penale.

bode img-20170111-wa0000 img-20170111-wa0002 img-20170111-wa0003 polizia-2

 

/Ora News/

 

Të parët për lajmin e fundit. Ndiqni Oranews.tvFacebook dhe në Twitter

Artikull i Rekomanduar:
Arrestohet pedagogia në Shkodër, u merrte studentëve 100 euro për notë

Close