Krimi - Gjermani, 46-vjeçari shqiptar vritet para syve të vajzës
10/01/2017 - 22:27 Nga: Saimir Lleshi

Një 46 vjeçar shqiptar u vra në sytë e vajzës së tij pranë një shkolle fillore në Visselhövede (Rotenburg) të Gjermanisë.

Ngjarja ndodhi ditën e djeshme (9 Janar 2017 ) ndërsa sot policia ka mundur të gjejë vetëm motorin (në foto) me të cilën u larguan autorët e krimit.

Zëdhënësi i policisë tha se dy shtetas të huaj vizituan zonën të shtunën e kaluar, por shtoi se “nuk dihet ende nëse ata janë autorët e krimit, por dyshimet lindin natyrshëm”.

Motori ishte në pronësi të një shtetasi gjerman dhe ai ka deklaruar se e ka shitur në mënyrë të rregullt, çka mund të gjejë hetuesit tek autorët e krimit.

Motori tip “Kawasaki” u gjet në afërsi të kryqëzimit të autostradës Bad Fallingbostel, i fshehur në një shkurre. Hetuesit janë të sigurt se mjeti është i dy autorëve të krimit.

Krimi dyshohet se ka ndodhur për hakmarrje dhe se mund të lidhet me një plagosje në Shqipëri. Shqiptari thuhet se ka punuar në një klub nate në Shqipëri, ndërsa u largua bashkë me familjen e tij për në Visselhövede

Viktima u qëllua me disa plumba mëngjesin e së hënës teksa po shoqëronte vajzën e tij për në shkollë.

motori-550x344

/Ora News/

 

Të parët për lajmin e fundit. Ndiqni Oranews.tvFacebook dhe në Twitter

Read previous post:
Debates in parliament, assembly speaker excluded DP mp Noka for 10 days

Close