Situata nga moti i keq - Dervishaj në Qafë Muzinë: Nuk ka probleme në qarkullim
10/01/2017 - 22:08

Ministri i Transporteve Sokol Dervishaj është ndalur për të inspektuar akset rrugore në jug të vendit. Pas inspektimit të Qafës së Muzinës Dervishaj u shpreh se për shkak të mirëmbajtjes optimale nuk ka problem në qarkullimin e mjeteve.

Dervishaj: Ajo që kam parë nga Tirana në Qafë Muzinë konstatoj me kënaqësi se rruga është e hapur. Ka pasur një problematikë të raportuar edhe gjatë ditës për shkak të reshjeve në qarkun e Gjirokastrës dhe praktikisht në një nga pikat e tij më delikate apo më të nxehta që është Qafë Muzina. Por ajo që shikojmë në terren është një mirëmbajtje optimale e rrugës. Masat janë marrë të gjitha.

Dervishaj nënvizoi se ka një koordinim të mirë me institucionet e tjera përgjegjëse për përballimin e situatës dhe se nuk ka asnjë aks kombëtar të bllokuar pavarësisht problemeve në veri të vendit.

/Oranews.tv/

Të parët për lajmin e fundit. Ndiqni Oranews.tvFacebook dhe në Twitter

Read previous post:
Opposition front , DP and SMI demand the removal of the prime minister

Close