18 qershori - Kreu i KQZ-së, Denar Biba jep alarmin: Jemi vonë me zgjedhjet
20/03/2017 - 10:11

Kreu i Komisionit të Zgjeshjeve, Denar Biba, dha sot alarmin se jemi vonë me përgatitjen për zgjedhjet parlamentare të 18 qershorit.

Duke folur në aktivitetin e nisjes së trajnimit të policisë së shtetit për zgjedhjet, Biba tha se ende nuk janë konstituuar KZAZ.

Biba: Unë jam pak ziliqar sepse ndryshe nga ju ne në KQZ nuk i kemi punët ashtu siç do duhet ti kishim. Dhe ju edhe nga pozita e qytetarit jeni në vetëdije sesi po shkojnë punët. Në në një ditë si sot do të duhej të kishim konstituuar Komisionet e Zonave të Administrimit Zgjedhor dhe praktikisht ne nuk i kemi për pamundësi objektive. Dy parti kryesore që do të duhej të kishin ofruar kandidatët e tyre nuk i kanë ofruar. Dhe ne gjendemi në pamundësi për të konstituuar KZAZ-të. KQZ ka bërë ndërkohë thirrje publike për qytetarët e angazhuar dhe të vetëdijshëm për statusin e tyre në favor të republikës dhe demokracisë ti afrohen Komisioneve dhe të kontribuojnë.

Ndërkohë apeli i Borchardt për policinë ishte : Vazhdoni luftën antikanabis. Jini të paanshëm për zgjedhje

/Oranews.tv/

Të parët për lajmin e fundit. Ndiqni Oranews.tvFacebook dhe në Twitter

Artikull i Rekomanduar:
Basha mbledh me urgjencë aleatët në selinë e PD-së

Close