Intervistë për Ora News - Alibeaj: Kandidatura e Xhafajt, provokim në këtë vorbull të madhe krizash
19/03/2017 - 20:34

Kryetari i departamentit të rendit dhe sigurisë në Partinë Demokratike Enkelejd Alibeaj thotë në studion e Ora News, se kandidatura e Fatmir Xhafajt në postin e ministrit të Brendshëm ishte një provokim nga ana e kryeministrit.

Alibeaj: Ajo çfarë unë si konsideratë të parë, është fakti se Presidenti i Republikës përkundër të gjitha konsideratave të ardhura nga mazhoranca, tregoi karakter, dinjitet, tregoi ushtrimin e detyrës në mënyrë të pavarur, të çliruar nga çfarë do lloj ndërhyrje të vogla si hipoteza të ngritura nga mazhoranca. Jemi në krizë totale.

Unë besoj se një zgjidhje do të duhet gjetur. Nëse më pyesni për çështjen e propozimeve që kryeministri çoi kryesisht atë të ministrit të Brendshëm, zt.Xhafaj unë besoj ishte një provokim në gjithë këtë vorbull të madhe krizash. Kur flet Presidenti, i pari dhe i fundit që shprehet me dekorimin e ministrave, pjesa tjetër pak rëndësi ka. Kandidatura e zt.Xhafaj për mendimin tim nuk do të ishte aspak e propozuar nga kryeministri Rama.

Ai përfaqëson jo vetëm dhe thjesht një ëndërr dhe makth të shqiptarëve para 25 vjetëve, pra një përfaqësues dok të falangave të sigurimit të shtetit apo edhe të hetuesisë së asaj kohe që ishte thembra e ushtrimit të pushtetit diktatorial. Vetëm për këtë do të ishte e mjaftueshme për të mos provokuar më nervat e qytetarëve shqiptarë. Edhe për një çështje tjetër. Tek e fundit, propozimi që bën një kryeministër për një ministër mbart në vetvete edhe një lloj vlerësimi moral.

Media dhe jo vetëm media, ka thënë për shumë kohë që ministri i propozuar dhe tashmë i dekretuar, ka probleme të forta të afërmve të tij familjar, të lidhura me fenomenologjinë e krimit dhe të drogës. Janë sinjale që bëjnë atë provokim të madh të kryeministrit.

Parlamenti të verifikojë Xhafajn- Parlamenti duke qenë se ka pozitën kushtetuese dhe ligjore të kontrolluarit të qeverisë, të kryeministrit dhe të akteve politike. Është në dinjitetin e individëve në Partisë Socialiste apo Lëvizjen Socialiste për Integrim, që thjesht dhe vetëm për ato që kanë dalë si fakte për të shkuarën e këtij individi që të mbajnë një qëndrim dinjitoz. Procedura nuk ka mbaruar. Do të shohim në vazhdim se si do të vazhdojë.

Aliebaj: Rama do të tërhiqet! ( Rama: Jo qeveri teknike, jo shtyrje zgjedhjesh)

Alibeaj: Kjo është një kokëfortësi që shkon në nivelin e barsoletave. Duket se është i pasigurt dhe ç’është më e dëshpëruese si qenie politike që e sheh realitetin jo thjesht dhe vetëm të injektuar prej opozitës, por si një realitet objekti i krijuar prej qeverisjes së tij. E sigurt se do të tërhiqet. Në një gjykim të ftohtë, situata është e tillë. Ka një situatë kriminaliteti dhe kriminalizimi ekstreme, e thënë nga një sërë raportesh ndërkombëtare.

/Ora News/

 

 

Të parët për lajmin e fundit. Ndiqni Oranews.tvFacebook dhe në Twitter

Artikull i Rekomanduar:
No destabilization, DP Chairman: This is a peaceful movement for free elections

Close