Aksident në aksin Elbasan-Librazhd, 2 të vdekur dhe 4 të plagosur
24/01/2013, 13:04
Përditesuar: 24/01/2013, 13:31

Një aksident me pasojë vdekjen e dy personave dhe plagosjen e 3 të tjerëve ka ndodhur paraditen e sotme në aksin rrugor Elbasan-Librazhd.

Ngjarja e rëndë është shënuar në hyrje të qytetit të Librazhdit në vendin e quajtur Babje ku një automjet  me targa AA 583 FC e kompanisë SHRT Myrto është përplasur me një maune me targa maqedonase Bitola 595 DM i cili drejtohej nga  43-vjeçari Peco Stojanovski.

Për pasojë kanë gjetur vdekjen Ilir Veliaj 36 vjeç dhe Trëndafil Bregasi 51 vjeç nga Skrapari, ndërsa janë plagosur tre persona të tjerë, identiteti i të cilëve nuk bëhet ende i ditur.

Mësohet se njëri prej të plagosurve,  Xhevahir Kurti 56 vjeç është transportuar me helikopter në Spitalin Ushtarak në Tiranë si pasojë e gjendjes së  rëndë shëndetësore ndërsa dy të plagosurit e tjerë ndodhen në spitalin e Elbasanit.

Ndërkohë policia e cila ka shkuar në vendngjarje ka nisur hetimet për zbardhjen e plotë e shkaqeve të aksidentit të rëndë.

Komento