Elbasan - Fluks nga virozat, mbi 100 raste në ditë në Pediatri
02/02/2017 - 17:05 Nga: Belinda Ruçaj

Dhjetëra raste në ditë regjistrohen çdo ditë në repartin e Urgjencës në Pediatrinë e Elbasanit. Mjekët thonë se të vegjlit paraqiten me simptoma të vjellash dhe temperaturë të lartë. Sipas tyre, fluksi në pediatri vjen pasi prindërit anashkalojnë mjekun e familjes duke iu drejtuar direkt urgjencës së Pediatrisë.

Mbi 100 raste pacientësh të vegjël paraqiten çdo ditë në Pediatrinë e Elbasanit me virozat e stinës.

Simptomat e zakonshme të të vegjëlve janë kryesisht të vjella dhe temperaturë.

Shefja e Pediatrisë Elbasan thote se në krahasim me dhjetorin dhe janarin, situata në këtë fillim shkurti është përmirësuar, duke e çuar numrin e vizitave në 110.

Sipas mjekëve pediatër, fluksi është i madh pasi prindërit i drejtohen spitalit edhe për shërbime elementare, të cilat ua ofron edhe mjeku i familjes pranë poliklinikave.

Në muajin dhjetor-janar numri i vizitave në ditë arrinte deri në 220 fëmijë, të cilët përballoheshin vetëm nga mjek roje në urgjencën e Pediatrisë së spitalit të Elbasanit.

/Oranews.tv/

Të parët për lajmin e fundit. Ndiqni Oranews.tvFacebook dhe në Twitter

Komento

Artikull i Rekomanduar:
Turqia varet nga Gjermania

Close