Deklarata - Vuçiç: Shqiptarët ta pranojnë Serbinë pa Kosovën
14/07/2017 - 20:35

“Çfarë duhet të bëjnë shqiptarët? Ta pranojnë Serbinë pa Kosovë”. Kështu u shpreh Presidenti i Serbisë Aleksandër Vuçiç në Bruksel, duke iu përgjigjur interesit të gazetarëve për të komentuar deklaratat e liderëve shqiptarë se Prishtina po përgatitet për fazën e fundit të dialogut pranimin e ndërsjelltë.

“Pyetja ime është çfarë do të bëjnë ata? Ta pranojnë Serbinë pa Kosovën? Të na ofrojnë këtë kënaqësi të madhe? Mund të qeshem me këtë. Çfarë të përgjigjem tjetër”, deklaroi Vuçiç. 

Ai theksoi se “ekzistojnë gjëra”, të cilat shqiptarët e Kosovës “nuk mund t’i bëjnë” pa Serbinë, ndërsa Serbia e di “çfarë mund dhe çfarë nuk mundet”.

Vuçi, pas diskutimeve me presidentin e Këshillit të Evropës Donald Tusk, tha se është e qartë se i takon Serbisë që të përfundojë gjithë atë që mundet në kuadër të reformave, sundimit të ligjit, reformat kushtetuese, por sipas tij përfundimi i dialogut nuk varet vetëm nga Beogradi.

“Të gjitha këto mund t’i arrijmë, por na mbetet diçka që nuk varet nga ne, por edhe nga pala shqiptare në Kosovë”, ka porositur Vuçiç.

Ai ka përkujtuar se Serbia në bisedimet për anëtarësim me BE-në ka edhe kapitullin 35, i cili ka të bëjë me normalizimin e marrëdhënieve me Kosovën dhe të “rregullojë dhe gjenerojë” rrugën evropiane të Serbisë.

Të parët për lajmin e fundit. Ndiqni Oranews.tvFacebook dhe në Twitter

  1. vlerat dhe merita says:

    ky ulleheqes pretendon te formoje jugosllavin e re sikur bota su ngop me jugosllavin e vjeter ,popijt i japin vleren baz merites pa u formuar jugosllavia re shihni deklaratat ultimative brej barbari po ti lihet gjith ballkani cfar ben ky njeri me ish jugosllavin,serbet shpopulluan qindra fshatra duke i detyruar te migrojne sikurse greqia zhduku camet kishin politika te qellimeshme per kete qendrim dhe ja arriten,tani me pretendimet e tyre padiskutim qe do arrin te sherngulin gjith shqiptaret nga ballkani vall ket deshiron evropa qe i perkrah,po shqiptaret kaq naiv duhet te jen ta pranojne ket ide te na zgjillin problemet te tille lidera me te tille koncepte ne te shkuaren tashmen dhe ne vizion,jo keta as nuk jan as skan per ta pasur kurr shancin per te pasur akses ne qeverisje mbasi nuk kan vlere qe te meritojn merit

  2. tironsi/gjermani says:

    Zoti Vucic,

    shqiptaret, nese ju kuptoj une drejt fjalen tuaj, ata qe jane nenshtetas te Kosoves po ashtu si shqiptaret ne Shqiperi, ne Ballkan, Europe, Amerike e kudo ne Bote nuk jane shprehur kurre kunder pranimit te Serbise pa Kosoven.
    Por te ardhmes nuk i dihet… Ndoshta i hapen Serbise probleme te reja. Besoj se atehere do ti thoni keto fjale sigurisht pa ironi.

    Gjithesesi shqiptaret nuk e urrejne popullin serb por ashtu si ai japin vlersimet me te uleta per plitikanet serb te ketyre 30 vjeteve te fundit.
    Ju them me siguri te plote se nuk do te cuditesha sikur nje dite te degjoja nga ju apo politikane te tjere si ju ankesen:
    Shqiptaret nuk i kane kerkuar akoma ndjese paramilitareve tane per mos defrimin maximal te tyre gjate perdhunimeve te grave apo vrasjeve te popullsise civile apo te shpernguljes me force nga shtepite e pronat e tyre etj. etj….

    Po ju kujtoj pa lejen tuaj se Kosova eshte nje vend i pavarur e sovran.
    Pavaresia e sovraniteti i saj eshte njohur nga me shume se 113 vende anetare te UNO. Ky trend vazhdon ….

    Njohja e Kosoves prej Serbise do te ishte dicka positive per Serbine.
    Por ashtu si nuk do te ishte negative per Kosoven mosnjohja e saj nga Serbia.

    Koha kur lidhja midis tyre ishte e rendesishme per jeten e tyre ka kaluar.
    Sot behet fjale per nje fqinjesi te mire ose jo. Kjo mendoj se eshte ne interes te te gjitheve ne rajon e ne Europe ku ju deshiron ashtu si shqiptaret te integroheni me sukses.
    Kete ja u uroj nga zemra te gjitheve Serbeve e Shqiptareve.

Komento

Read previous post:
Njësia elitë amerikane që do të vrasë Kim Jong-un?

Close