Katër vende të Ballkanit ultimatum Kroacisë
07/08/2017 - 20:19

Katër vende të Ballkanit, Bosnja e Hercegovina, Mali i Zi, Maqedonia dhe Serbia, i kanë bërë thirrje Kroacisë të tërheqë vendimin për rritjen dramatike të tarifave për importimin e disa produkteve bujqësore, duke kërcënuar se do të hakmerren.

Të katër vendet i kanë nisur sot ultimatum Kroacisë, pas një takimi që është mbajtur me zyrtarë qeveritarë të këtyre vendeve në Sarajevë, raporton REL.

Ministri serb i Tregtisë, Rasim Lajiç, ka thënë se fqinjët e Kroacisë “nuk dëshirojnë të hyjnë në spiralen e masave dhe kundërmasave”.

Mirëpo ai ka shtuar se ata “do të detyrohen ta bëjnë atë”, në rast se Kroacia nuk i kthen tarifat e mëparshme deri në fund të javës.

Serbia, Bosnja, Maqedonia dhe Mali i Zi nuk janë anëtare të Bashkimit Evropian, për dallim prej Kroacisë, e cila i është bashkuar bllokut më 2013.

/Oranews.tv/

Të parët për lajmin e fundit. Ndiqni Oranews.tvFacebook dhe në Twitter

Read previous post:
Helikopterët e Vivas shuajnë zjarrin në pyjet e Rrogozhinës

Close