Deklaratat e Ramës për bashkim me Kosovën, NATO: Të shqetësuar!
19/04/2017 - 22:19

Organizata e Atlantikut të Veriut në një reagim mbi deklaratat e kryeministrit të Shqipërisë Edi Rama se Ballkani Perëndimor rrezikon destabilitetin nëse nuk ka perspektivë të qartë evropiane, thekson se liderët e Ballkanit duhet të angazhohen në dialog.

Në një reagim për agjencinë serbe të lajmeve “Tanjug”, NATO thekson se është e shqetësuar rreth përkeqësimit të situatës së fundit në rajon.

“Jemi të shqetësuar rreth situatës kohët e fundit, apelojmë për dialog. Ne inkurajojmë liderët e Ballkanit Perëndimor që të përmbahen ndaj detyrimeve të tyre dhe të vazhdojnë pajtimin përmes dialogut. NATO dhe pjesa tjetër e komunitetit ndërkombëtar kanë rol të ndihmojnë, por zgjidhja përfundimtare e problemeve të rajonit duhet të gjenden në rajon”, thuhet në reagim.

Kryeministri Rama deklaroi se një bashkim i Shqipërisë me Kosovën është një projekt i mundshëm në rast se Bashkimi Europian do t’i zbehë këtyre vendeve shpresën për t’u bërë pjesë e unionit.

Rama: Bashkimi Shqipëri-Kosovë i mundshëm nëse BE na zbeh shpresat

Thaçi: Nëse BE na e mbyll derën, të gjithë shqiptarët do të jetojmë në një hapësirë të vetme

/Ora News.tv/

 

Të parët për lajmin e fundit. Ndiqni Oranews.tvFacebook dhe në Twitter

Read previous post:
Helikopterët e Vivas shuajnë zjarrin në pyjet e Rrogozhinës

Close