Burime diplomatike kanë thënë se pas hapjes se zyrës ndërlidhëse të Kosovës në Serbi, janë shtuar kontaktet me Athinën zyrtare, me qëllim të hapjes së një zyre edhe në kryeqytetin grek. Greqia është i vetmi shtet i rajonit që nuk e ka njohur ende pavarësinë e Kosovës.

Sipas të njëjtave burime, një delegacion i Ministrisë së Jashtme të Kosovës ka qëndruar më 10 qershor në Athinë ku kanë diskutuar për detajet e funksionimit të kësaj zyre.

Hapjen e zyrës së Kosovës në Athinë e ka konfirmuar edhe shefi i zyrës ndërlidhëse të Greqisë në Kosovë, ambasadori Dimitris Moschopoulos.

Ai i ka thënë se detajet e funksionimit të zyrës janë duke u përcaktuar, por sipas tij ajo nuk do të ketë implikime sa i përket njohjes së Kosovës.

Nëse Carole dhe Pippa do të jenë pranë Kate gjatë lindjes, kjo do të thotë familja Middleton mund ta mësojnë seksin e mbretit të ardhshëm të porsalindur apo mbretëreshës, edhe para Mbretëreshës Elisabeth, edhe pse burime pranë pallatit mbretëror thanë se të dyja palët e familjes do të informohen pothuajse njëkohësisht.

Princesha pritet të lindë fëmijën e saj të parë, në të njëjtin maternitet në Londër ku edhe Diana lindi bashkëshortin e saj, Princin Harry në vitin 1982.

Ndonëse në muajin e tetë të shtatzanisë, Princesha ka përcaktuar të gjithë detajet rreth lindjes që pritet të ndodhë në mesin e muajit korrik.

Fëmija mbrëtëror do të lindë në St. Mary Hospital të Paddingtonit, ndërsa gjinia e foshnjes nuk i është thënë ende prindërve, pasi ata duan që të mbetet një surprizë për në momentin e lindjes.

Gruaja rreth të pesëdhjetave u arrestua në flagrancë në njërin prej gjimnazeve të Parisit, ndërsa përpiqej të zëvendësonte të bijën në provimin e anglishtes, të maturës franceze.

Rreth orës 15:30, drejtori i shkollës lajmëroi policinë për ngjarjen. Gruaja 52-vjeçare, u vu re nga një mbikëqyrëse, që e njihte të bijën.

Pas kësaj, gruaja u dërgua në komisariatin e policisë, ku u mor në pyetje.

Provimet e maturës në Francë filluan me testin e filozofisë. Kandidatëve do t’u duhet të presin 5 korrikun për të marrë rezultatet përfundimtare, por me siguri vajza e mamasë e cila u arrestua nuk do t’ia ketë dalë.

BE-ja gjendet në mes të krizës më të keqe që ka përjetuar ndonjëherë, dhe dëshira për të përfshirë më shumë anëtarë, ka rënë në zero. Një pjesë e shtypit gjerman e vlerëson në mënyrë kritike e deri polemike anëtarësimin e Kroacisë, si dëshmojnë dhe tituj të tillë: “Kush lejon dështakë të tjerë në BE”, “Kroacia, varri i ardhshëm i miliardave” ose “Fëmija tjetër problematik quhet Kroaci”. Ekziston frika se Kroacia do të bëhet si Greqia varr për paratë gjermane. Disa gazeta shkruajnë: Kroacia është në borxh, e korruptuar dhe e rrënuar nga papunësia e lartë.

Kritere më të rrepta se për Rumaninë apo Bullgarinë

Por Berlini zyrtar i sheh gjërat ndryshe. Nikolaus Graf Lambsdorff, përfaqësues për Evropën Juglindore në Ministrinë e Jashtme, është i sigurt se gabimet e së kaluarës nuk do të përsëriten. “Ky ishte procesi më i vështirë i aderimit, që duhet të kalonte një kandidat për anëtarësimin në BE. Kjo mënyrë do të përdoret në të ardhmen pra: Çdo kandidat tjetër do të përballet me të paktën të njëjtat kushte.” – thotë Nikolaus Graf Lambsdorff.

Probleme të mëdha ekonomike, por cili vend nuk e ka të tilla?

Ekonomikisht, BE-ja merr mbi vete me Kroacinë një barrë më tepër. Vendi është prej vitesh në një recesion, papunësia është rreth 20 për qind. Por edhe një numër i madh shtetesh që janë prej vitesh anëtare të BE-së kanë probleme të tilla, apo edhe më të mëdha. Aderimi i Kroacisë në BE nuk do ta bëjë atë të pasur brenda natës, por do ta vërë vendin përballë konkurrencës beson kryeministri Zoran Milanoviç në bisedë me DW-në. “Unë jam i bindur se Kroacia do të përballet me të gjitha sfidat që nënkupton integrimi evropian dhe globalizim për një komb të vogël. Sepse kombet e vogla duhet të jetë të hapur. Bashkimi Evropian është një mundësi e madhe për Kroacinë ” tha ai.

Qeveria kroate ka krijuar kushtet për anëtarësim, megjithatë gjendja ekonomike në vend është ende e dobët. Në një studim të Dhomës së Tregtisë dhe Industrisë gjermano-kroate të vitit 2012 Kroacia renditet e 11-ta si vend për investime në Evropën Lindore, pas Sllovenisë dhe Serbisë. Po ashtu autorët kritikojnë mosefikasitetin e administratës publike dhe pasiguritë në sistemin ligjor.

Sipërmarrje nga industria e prodhimit janë të rralla në Kroaci. Që të jetë ekonomikisht e suksesshme qeveria kroate mbështet më shumë turizmin se sa industrinë.

Ndihmë për procesin e afrimit të vendeve të tjera të Ballkanit me BE-në

BE mendon se Kroacia do të luajë një rol pozitiv dhe aktiv në procesin e afrimit të BE-së me të gjithë rajonin. Nikolaus Graf Lambsdorff, përfaqësues për Evropën Juglindore në Ministrinë e Jashtme, thotë:

“Unë shpresoj dhe se Kroacia nuk do t’i harrojë fqinjët e vet. Fqinji më i afërt është sigurisht Bosnja, ku jetojnë shumë kroatë, por kjo përfshin edhe Serbinë fqinjë. Procesi i afrimit të BE-së me të gjithë rajonin duhet të vazhdojë dhe shpresojmë se Kroacia do të luajë këtu një rol pozitiv dhe aktiv” ka theksuar ai.

Vitet e ardhshme Kroacia do të tregojë nëse do ta përmbushë këtë rol.

Gandolfini ishte 51 vjeç dhe kishte shkuar për pushime në Romë, bëri të ditur Mara Mikialian, zëvendës presidente e HBO-së për fushatat publicitare të programit.

Ai ishte i njohur për performancën e tij, në rolin e Tony Soprano-s, për të cilin ka fituar edhe cmime, nga fundi i viteve ’90 e deri në mesin e viteve 2000.

Diplomatët kanë thënë se ministrat e 11 vendeve, përfshirë Shtetet e Bashkuara, shtetet evropiane dhe aleatët rajonalë, do të ndjekin takimin në Doha.

Zëdhënësja e Departamentit amerikan të Shtetit, Jen Psaki ka thënë se ministrat do të flasin për mbështetjen e opozitës siriane dhe përpjekjet për të gjetur zgjidhje për konfliktin dyvjeçar.

Diplomatët francezë janë cituar të kenë thënë se Miqtë e Sirisë do të diskutojnë kërkesën e rebelëve për armë.

Takimi i dy kryeministrave mbahet me ndërmjetësimin e përfaqësueses së lartë të Bashkimit Evropian për politikë të jashtme dhe siguri, Catherine Ashton.

Raportohet që në delegacionin e Kosovës, pos kryeministrit Thaçi, gjenden edhe zëvendëskryeministri Hajredin Kuçi, dhe koordinatori për bisedimet me Serbinë, Blerim Shala.

Kryeministri serb, Ivica Dacic ka thënë se takimi i sotëm me kryeministrin kosovar, Hashim Thaçi është vendimtar, sepse nga ai varet se çfarë raporti do hartojnë Catherine Ashton dhe Stefan Fule.

“Dëshirojmë të përmbushim sa më shumë kur bëhet fjalë për implementimin e marrëveshjes”, ka thënë Dacic.

Daciç ka theksuar se temë e këtij takimi do të jenë ajo për të cilat grupet e punës për implementim e marrëveshjes nuk arritën të bien dakort.

Policia ndaloi dhjetra demonstrues në orët a para të së martës. Përmes një deklarate, Komisionerja e Kombeve të Bashkuara për të Drejtat e Njeriut, Navi Pillay, shprehu shqetësimin e saj për atë që ajo e cilësoi një trajtim të rëndë nga ana e forcave policore ndaj protestave tre-javore dhe bëri thirrje për zhvillimin e një hetimi transparent.

Kryeministri Erdogan reagoi me zemërim ndaj kritikëve të tij. Ai tha në një takim të partisë së tij AKP, se ishte e drejta e pakontestueshme e policisë të përdorte gazin lotsjellës ndaj protestuesve.

Erdogan tha se nuk do të ketë tolerancë ndaj askujt, që përdor dhunën dhe e përdor atë si një instrument ndaj njerëzve dhe kombit.

Në Gjermani jeton komuniteti më i madh turk në botë. Ministri i Jashtëm gjerman Guido Ëesterëelle reagoi ndaj protestave duke theksuar se shpresonin se qeveria turke të kishte zgjedhur rrugën e  dialogut. Prandaj, tha  ai, ne i kritikojmë vendimet e qeverisë turke.

Parlamenti Europian miratoi një rezolutë, ku shprehej shqetësim për përgjigjen e policisë dhe e ka anuluar planin për një vizitë të ligjvënësve këtë javë në Turqi. Turqia prej vitesh ka patur ambicie të pranohet në Bashkimin Evropian, por masat shtypëse ndaj protestuesve mund të shënojnë një hap prapa politikisht dhe ekonomikisht, thotë analisti Hakura.

Ndërkohë kryeministri Erdogan u zotua të shtojë kompetencat e policisë për t’iu përgjigjur trazirave dhe qeveria është duke punuar mbi një ligj për kufizimin e përdorimit të mediave sociale, të cilat ajo i fajëson për nxitjen e demonstratave.

Kjo zyrë thotë se projektligji i reformës së emigracionit që i është paraqitur Senatit, nëse miratohet, do të sillte një rritje ekonomike prej 5% dhe do të ulte deficitin federal me 900 miliardë dollarë gjatë 20 viteve të ardhëshme. Mbështetësit e reformës së emigracionit, si Senatori demokrat Robert Menendez, iu referuan menjëherë këtij raporti.

“Unë e kam thënë prej kohësh se nxjerrja e 11 milionë njerëzve nga hija dhe reformimi i sistemit të imigracionit do të shtonin prodhimin e përgjithshëm të brendshëm dhe do të ulte deficitin. Dhe tani ne e dimë edhe shumën” tha ai.

Për muaj me radhë kritikët e Senatit kanë argumentuar se një rritje e menjëherëshme në fuqinë e ligjshme punëtore do të sillte uljen e pagave dhe do të rëndonte rrjetin e sigurisë sociale në vend, duke bërë kështu të nevojshëm shtimin e shpenzimeve qeveritare.

Në fakt, Zyra e Kongresit për Buxhetin parashikon fillimisht një rënie të vogël të pagave në Shtetet e Bashkuara, por ngritjen e tyre do të pasojë.

Senatori republican, Jeff Sessions, u përgjegj se kostoja e plotë e legalizimit mund t’i kalojë të 20 vjetët e parashikuar nga Zyra e  Kongresit për Buxhetin. Republikani tjetër John Cornyn theksoi një përfundim tjetër të raportit të kësaj zyre, dhe ky është se projektligji i Senatit nuk do t’i japë fund imigracionit të paligjshëm në Shtetet e Bashkuara.

“Pavarësisht nga gjithë premtimet dhe ndoshta mund të them se edhe me gjithë shpresat, endërrat dhe synimin e mirë të autorëve të këtij projektligji, ai do të ketë ndikim minimal në imigracionin e paligjshëm. A tingëllon kjo si zgjidhja e duhur që në i detyrohemi popullit amerikan për të riparuar sistemin e shpleksur”.

Cornyn është një nga disa repulikanët që kërkojnë garanci pothuajse absolute për sigurimin e kufijve të Shteteve të Bashkuara, para se të legalizohet ndonjë imigrant pa dokumente. Të gjitha amendamentet e paraqitura nga repulikanët për këtë qëllim janë hedhur poshtë në Senat.

Policia braziliane ka hedhur gaz lotsjellës dhe ka qëlluar me plumba gome, për të shpërndarë disa protestues në qytetin e Fortaleza-s, teksa trazirat në vend vazhdojnë, tashmë të përhapura në shumë qytete.

Të paktën 30 mijë persona kanë dalë në protestë në qytetin veri-lindor të Brazilit, në prag të sfidës ndaj Meksikës, për Kupën e Konfederatave.

Trazirat nisën për shkak të rritjes së çmimeve të transportit në Sao Paulo, por tashmë janë rritur ndjeshëm, duke marrë formën e pakënaqësisë së gjerë ndaj shërbimeve të dobëta publike dhe korrupsionit.

Autoritetet në Rio de Janeiro dhe Sao Paulo kanë deklaruar se rritja e çmimeve së fundi mund të rishikohet dhe të anulohet.

Më shumë se 250 mijë njerëz janë derdhur nëpër rrugët e dhjetra qyteteve nëpër Brazil, gjatë këtyre ditëve të fundit. Ndryshimet e tarifave në zemrën e protestave, Rio dhe Sao Paulo, i cili është njoftuar gjatë ditës së mërkurë, pritet të shihet si një fitore e madhe e lëvizjes së protestuesve.